Techie IT
सोमबार, मंसीर १५,२०७७

शान्ती दीपका रचना, केही साइनोहरु–


काठमाडौं ।
– अलपत्र बचेरो
भोकले रोयो, करायो
चारो हुने खानेले पायो ।

– ढकमक्क कुसुम
गन्धरहित सहर
मुस्कुराएको छ प्रकृति ।

– उडिरहेछन् पंक्षी
प्रफुल्लित भो हृदय
स्वतन्त्रताको आभास ।

– जताततै छ छुट्टी
प्रकृतिको कस्तो जुक्ति ?
दूषित जनबाट मुक्ति ।

– धनीमा शक्ति रास
पाइहाल्ने यात्रा पास
निर्धो जति पौवाको बास ।

– आहा ! सुन्दर बोक्रो !
गिदी डढी शून्य रैछ,
न्यायको तराजु ढल्कियो ।

– टुट्यो आमाको मन,
बिल्लिबाठ परिवार
न्याय पाएनन् सन्तानले ।

–चुहाए राल धेरै,
छाती पोल्छ, मन जल्छ
पर्दाभित्र पो रमाइलो ।

– जन्मभूमिको माया
भिख माग्दै सिमानामा
निर्दयी समयले रोक्यो ।

– मान्छेमा छैन चैन,
दौड्छन् मेसो मिलाउन
डुब्छन् स्वार्थको सागरमा ।

– अदृश्य शक्ति तिम्रो
आकुलव्याकुल विश्व
तहसनहस जिन्दगी ।
…………

काठमाडौं –१६,
एराहिटि


क्याटेगोरी : विचार/अनुभूति
ट्याग : #साइनोहरु


तपाईको कमेन्ट लेख्नुहोस्


थप समाचार

Kathmandu
24°
Mostly Cloudy
05:1419:03 +0545