टोखा महोत्सवको पूर्व तयारी भेला , नगरपालिकाबाट २५ लाख बजेट

साझा पाना २०७६ माघ १८ गते १६:२४ मा प्रकाशित

टोखा काठमाडौ । सांस्कृतिक संरक्षित क्षेत्र टोखालाई आन्तरिक तथा वाह्य पर्यटकीय गन्तव्य स्थल बनाउने उद्देश्यका साथ आउँदो फागुन २२,२३ र २४ गते दोस्रो टोखा महोत्सव हुने भएको छ । टोखा नगरपालिको आयोजनामा हुने यस महोत्सवमा स्थानिय कला , संस्कृति , परम्परा , कृषि लगायतका उपजहरलाई बिषेश प्राथमिकतामा राखीने भएको छ ।

शनिबार टोखाको सद्भाव बैङ्गेटमा आयोजित भेलामा महोतसवबारे घनिभुत छलफलभउको छ । भेलामा टोखा नगरभित्रका राजनैतिक दल , बिभिन्न सामाजिक संस्थाका प्रतिनिधिहरु , जनप्रतिनिधिहरु , बुद्दिजिबि ,पत्रकार लगायतको बाक्लो उपस्थीती रहेको थियो ।

भेलाले ५०१ जनाको मूल आयोजक समिति , ५१ जनाको सचिवालय सदस्य , १४ उपसमिति बनाउने निर्णय गरेको छ ।
मूल आयोजक समितिको संयोजकमा मेयर एवं सह संयोजकमा उपमेयर रहने छ ।

मेलाको ब्यवस्थापनका लागी टोखा नेवार गुठीलाई जिम्मा दिने प्रस्ताव गरिएको छ । नेवार गुठीले पहिलो महोत्सव सफलताका साथ समपन्न गरेको छ ।

टोखा नगरपालिकाबाट २५ लाख बजेट बिनियोजन भएको यो महोत्सवका सफल बनाउनका लागी सबैमा आग्रह नगरप्रमुख प्रकाश अधिकारीले गरेका छन ।

धार्मिक ,सांस्कृतिक , प्राकृतिक रुपले सम्पन्न टोखा प्राचीनतम मौलिक कला संस्कृति, रीतिरिवाज तथा मठमन्दिरहरु तथा यहाँ छरप्रस्त छरिएर रहेका विभिन्न कालखण्डहरुमा कोरिएका शिलापत्र तथा वास्तु प्रस्तर मूर्तिहरुले टोखाको ऐतिहासिकतालाई सबै सामु दर्शाईरहेको छ ।