नेपाल २१ वर्षपछि एसिया कपमा, इतिहासमै पहिलो पटक भारत र पाकिस्तानसँग प्रतिस्पर्धा गर्ने

राधेश्याम तिमलसिना
काठमाडौं, १९ वैशाख । नेपाल २१ वर्षपछि एसिया कपमा छनोट भएको छ । मंगलबार काठमाडौंको कीर्तिपुरस्थित टियू क्रिकेट मैदानमा भएको एसीसी प्रिमियर कपको फाइनलमा यूएईलाई ७ विकेटले पराजित गर्दै नेपाल एसिया कपमा छनौट भएको हो ।
एसिया कपमा छनोट भएसँगै अब नेपालले बलियो टोली भारत र पाकिस्तानसँग इतिहासमै पहिलो पटक प्रतिस्पर्धा गर्नेछ । एसिया कप २०२३ आगमी सेप्टेम्बरमा पाकिस्तानमा हुनेछ ।
नेपाल, भारत र पाकिस्तान एकै समूह ए मा छन् । समूह बी मा बंगलादेश, श्रीलंका र अफगानिस्तान छन् । सन् २००२ मा सिंगापुरमा भएको एसिसी ट्रफीको फाइनलमा स्थान बनाउँदै नेपालले एसिया कपमा पुगेको थियो । त्यो समय फाइनल पुग्ने दुई टोली एसिया कपमा पुग्ने गर्दथे । उक्त फाइनलमा नेपाल युएईसँग ६ विकेटले पराजित भएको थियो ।
तर भारत र पाकिस्तानको आन्तरिक राजनीति र विवादको कारण त्यो वर्ष एसिया कप नै हुन रद्द भएको थियो । त्यसकै कारण नेपाल एसिया कपमा पुगेर पनि खेल्न पाएको थिएन । त्यसपछि नेपाल एसिया कपमा छनोट हुन सकेको थिएन।
अहिले पनि भारत र पाकिस्तानबीच विवाद कायमै छ । भारतले पाकिस्तानमा हुने प्रतियोगितामा भाग नलिने अडान लिइरहेको छ। भारत पाकिस्तानमा खेल्न जान नमाने कि खेल स्थल परिवर्तन गर्नुपर्ने हुन्छ कि त खेल नै रद्द हुने स्थिति रहन्छ ।
क्याटेगोरी : खेलकुद
ट्याग : #breaking, #नेपाल २१ वर्षपछि एसिया कप
धेरै पढिएका
- १बिदा नपाएको भन्दै हेल्लो सरकारमा उजुरी, चितवन प्रहरीले भन्यो : गुनासो आउने बाताबरण नबनाउनु
- २तारकेश्वरको सविन लाई साबेलले हानेर हत्या गरेका टिपर चालक सहित ४ जना जेल चलान , को को परे ?
- ३बागलुङका प्रहरी प्रमुख दयानिधी ज्ञवाली गण्डकी प्रदेश प्रहरी कार्यालयबाट नगदसहित पुरस्कृत
- ४प्रहरी निरीक्षक बमको एक्सन : आठ किलो चरेससहित एक महिला पक्राउ
- ५गोगबु चोकमा दिउँसै गाडीभित्रै लागु औषध खुवाएर महिलामाथी बलात्कार प्रयास , वडा अध्यक्ष घिमिरेको पहलमा उद्धार
- ६टोखा मालुङ्गमा सवारी दुर्घटना , ५ जना घाइते
- ७विमान दुर्घटना : तारकेश्वरका एकै परिवारका २ जनाको मृत्यु
- ८राजधानीमै रोमाञ्चक नागार्जुनको जिप सफारी
तपाईको कमेन्ट लेख्नुहोस्