अमेरिकाको टेक्सासमा गोली चल्यो– २० को मृत्यु , २६ घाइते

साझा पाना २०७६ साउन १९ गते ०३:४७ मा प्रकाशित

काठमाडौं/एजेन्सी । अमेरिकाको टेक्सासस्थित वालमार्ट स्टोरमा अन्धाधुन्धा गोली चल्दा २० को ज्यान गएको छ, भने २६ जना घाइते भएका छन् । यसै घटनालाई लिएर एक प्रहरी अधिकारीले भने–‘हामीसँग केही हमलाकारी भएको रिपोर्ट छ । अहिले उनीहरुको खोजी कार्य तीब्र भइरहेको छ ।’

त्यहाँका प्रहरी अधिकारीले यसो भनिरहँदा उक्त घटनामा संलग्न तीन जनालाई हिरासतमा लिइएको जानकारी पनि गराइएको छ । यसै विषयलाई लिएर अमेरिकी राष्ट्रपति डोनाल्ड ट्रम्पले ट्वीट गरेका छन् । उनले ट्वीट गर्दै लेखेका छन्–‘टेक्सासमा भयनक गोली चलेको छ । रिपोर्ट धेरै नराम्रो छ । केहीले ज्यानसमेत घुमाएका छन् । राज्य र स्थानीय अधिकारीहरुसँगको साथमा काम गरिरहेको छु । सहयोगका लागि गभर्नरसँग पनि कुरा गरेको छु ।’

एक कर्मचारीले स्थानीय न्युज च्यानललाई जानकारी गराए अनुसार प्रहरी र स्वाट अधिकारीहरुले उक्त क्षेत्रलाई खाली गर्नका लागि अपरेशन सुरु गरिसकेका छन् । प्रहरीले स्थानीय जनतालाई वालमार्ट स्टोरबाट टाढा रहन सल्लाह दिइरहेका छन् ।

क्याटेगोरी : विशेष
ट्याग : #गोली चल्यो