साँखुमा भूमीसुधार मन्त्री पद्मा अर्याललाई स्थानियको कालो झण्डा

साझा पाना २०७६ साउन १३ गते १२:१९ मा प्रकाशित

काठमाडौं साउन १३ । भूमिसुधार मन्त्री पद्मा अर्याललाई काठमाडौंको साँखुमा कालो झण्डा देखाइएको छ ।

कालोझण्डा देखाउनेक्रमा स्थानीयलाई प्रहरीले धरपकड गरेको थियो ।
सोमबार दिउँसो १२ बजे मालपोत कार्यालय उद्घाटन गर्न साँखु पुगेकी उनलाई स्थानीयले नारा लगाउँदै कालो झण्डा देखाएका हुन् ।

टाउकोमा कालो फेटा बाँधेका प्रदर्शनकारीलाई प्रहरीले गरेको धरपकडका बाबजुद कालो झण्डा देखाएका हुन् । सरकारले गुठी विधेयक फिर्ता लिएपनि काठमाडौंका नेवार समुदायले सो विधेयक खारेजीको माग राख्दै प्रर्दशन गर्दै आइरहेका छन् ।