यि हुन छोराबुहारी विदेश गएकाे मौकामा ४ वर्षिया नातिनी बलात्कार गर्ने हजुरबुबा

साझा पाना २०७६ असार ११ गते ११:०१ मा प्रकाशित

११ असार, ललितपुर । छोराबुहारी विदेश गएकाे मौकामा ४ वर्षिया नातिनी बलात्कार गर्ने हजुरबुबा पक्राउ परेका छन् । रक्सीको नसामा नातिनीलाई बलात्कार गर्ने ५१ वर्षे हजुरबालाई सातदोबाटो प्रहरीले ललितपुरको टिकाथलीबाट पक्राउ गरेको हाे ।

रौतहटकाे चन्द्र निगाहपुर–१ पौराही घर भई हाल टिकाथलीको एक घरमा फ्ल्याट भाडामा लिई बस्दै आएका ५१ वर्षे हजुरबाले आफ्नै छोराको ४ वर्षे छोरीलाई बलात्कार गरेकाे प्रहरीले जानकारी दिएकाे छ ।

छोरा र बुहारी विदेश गएपछि आफ्नो संरक्षणमा रहेकी नातिनीलाई दाईसँग कोठामा सुतेको अवस्थामा उठाएर आफूसँगै लगेर अप्राकृतिक मैथुन र बलात्कार गरेको पीडित नावालिकाले आफ्नी फुपुलाई सुनाएपछि फुपुको जाहेरीको आधारमा प्रहरीले असार ९ गते हजुरबालाई पक्राउ गरेको हाे ।

पक्राउ परेका नाबलिकाको हजुरबुबामाथि जिल्ला अदालत ललितपुरबाट मंगलबार ५ दिनको म्याद थपि अनुसन्धान भइरहेको प्रहरीले जनाएको छ ।

पीडकको नाम सार्वजनिक गर्दा पीडित नातिनीको नाम पनि सार्वजनिक हुने हुँदा प्रहरीले दुबैको नाम गोप्य राखेको छ ।

क्याटेगोरी : विशेष
ट्याग : #बलात्कार