तारकेश्वर नगरपालिकाको चौथो नगरसभा – १५ योजना सम्पन्न

पुकार तिमलसिना
तारकेश्वर नगरपालिकाको चौथो नगरसभाले विभिन्न विषयगत समितिमार्फत नगरपालिका सञ्चालनमा आवश्यक विधेयक सर्वसहमतिबाट स्वीकृत गरेको छ । नगरसभाबाट नगरपालिकाको चालू आर्थिक वर्षको पूँजीगत बजेटतर्फ करीब रु ७० करोड ८७ लाख र चालूतर्फ रु ४० करोड १३ लाख बजेट विनियोजन गरिएको छ ।
चालू आवमा नगरसभाबाट स्वीकृत वडास्तरीय योजना कूल ३४५ वटा भएकामा २०७५ पुस मसान्तसम्ममा १०८ योजनाको सम्झौता भएर १५ योजनाको कार्य सम्पन्न भई फरफारकसमेत भएको नगर प्रमुख रामेश्वर बोहोराले बताउनुभयो । लागत साझेदारी कार्यक्रमतर्फ कूल ४३ योजना स्वीकृत भएकामा ३७ सम्झौता भई नौ योजना कार्य सम्पन्न भइसकेको प्रमुख बोहोराले बताउनुभयो ।
चालू आवको पुस मसान्तसम्मको भौतिक प्रगतितर्फ सडक ढलान तीन किमी, साइड ड्रेन ७२० मिटर, रिटेनिङ वाल एक हजार ६१५ घमि, ह्युमपाइप ४५० मिटर र नाली ७५० मिटर सम्पन्न भएको छ ।
नगर उपप्रमुख भवानी डोटेल धितालले नगरपालिकाको लक्ष्य भनेको नगरवासीलाई समृद्ध बनाउनु हो भन्नुभयो ।
लागि नगरपालिकाबाट प्राकृतिक स्रोत उपयोग नीति तर्जुमा गरी सोही नीतिका आधारमा नगर क्षेत्रभित्र रहेका सम्पूर्ण प्राकृतिक स्रोतको दिगो उपयोग गरिने नीतिलाई अवलम्बन गर्दै लगिने बताइएको छ । लागत साझेदारी कार्यक्रमअन्तर्गत परियोजना कार्यान्वयन अगाडि बढाउन आवश्यक बजेटको व्यवस्था गरी कार्यान्वयन गरिने तथा समग्र वस्तुस्थिति झल्कने गरी सबै वडालाई समेटी नगर विवरण तयार गरिने निर्णय भएको छ ।
क्याटेगोरी : विशेष
ट्याग : #तारकेश्वर नगरपालिका
धेरै पढिएका
- १बिदा नपाएको भन्दै हेल्लो सरकारमा उजुरी, चितवन प्रहरीले भन्यो : गुनासो आउने बाताबरण नबनाउनु
- २समाजवादी मोर्चा घोषणा गरेको दोस्रो दिन काठमाडौमा नेकपा एसका नेता कार्यकर्ताहरुको बिद्रोह : जिल्ला सदस्यसहित ७ जना एमाले प्रबेश
- ३तारकेश्वरको सविन लाई साबेलले हानेर हत्या गरेका टिपर चालक सहित ४ जना जेल चलान , को को परे ?
- ४बागलुङका प्रहरी प्रमुख दयानिधी ज्ञवाली गण्डकी प्रदेश प्रहरी कार्यालयबाट नगदसहित पुरस्कृत
- ५प्रहरी निरीक्षक बमको एक्सन : आठ किलो चरेससहित एक महिला पक्राउ
- ६गोगबु चोकमा दिउँसै गाडीभित्रै लागु औषध खुवाएर महिलामाथी बलात्कार प्रयास , वडा अध्यक्ष घिमिरेको पहलमा उद्धार
- ७टोखा मालुङ्गमा सवारी दुर्घटना , ५ जना घाइते
- ८विमान दुर्घटना : तारकेश्वरका एकै परिवारका २ जनाको मृत्यु
तपाईको कमेन्ट लेख्नुहोस्