काम गरेर दरिएका निरन्जन

श्रेष्ठको यो उम्मेवारी उनको ब्यक्तिगत संबृद्धिका लागि भन्दा पनि नगरवासि र वडावासिको हितका लागि हो

साझा पाना २०७९ वैशाख २३ गते ०७:१६ मा प्रकाशित

संखुवासभाको सदरमुकाम खाँदबारी नगरपालिका वडा न १ का वडाध्यक्ष निरञ्जन श्रेष्ठ बोल्ने मात्र हैन काम गरेर देखाउन सफल वडाध्यक्षका रुपमा चिनिन्छन् ।

खाँदबारी १ का मतदाताले २०७४ को स्थानीय निर्वाचनमा निर्वाचित गरेपछि बितेको ५ बर्षमा उनले आफ्नो वडामा प्रसस्त बिकास गरेर देखाएका छन् । अघिल्लो कार्यकालमा मतदाताको मन जित्ने काम गरेका कारण नै उनलाई यसपालि समेत वडा नं। १ का मतदाताले जिताउने प्रवल संभावना छ । अहिले चोक बजार र चिया पसलहरुमा समेत उनको तारिफ चल्ने गरेको छ ।

यसपालि पालो फेर्ने सोचमा रहेका उनलाई मतदाताले नै पुन एकपटकका लागि अध्यक्षमा उठ्न आग्रह गरिरहे । आफु यसपालि नउठ्ने बरु यो अवसर अरुलाई नै दिलाउने सोंचमा रहेका उनले आफुले पद नओगट्ने प्रयत्न गर्दा समेत मतदाताले उनलाई नै एक पटकका लागि पुन दोहोरिन आग्रह गरे ।

उनि भन्छन मैले कहिल्यै आफ्नो जिम्मेवारीलाई बिर्सिन ५ बर्षका लागि मतदाताले मलाई जिताएका हुन् मैले जुन जिम्मेवारी लिएँ कुनैदिन कसैको मन दुखाउने काम गरें जस्तो लाग्दैन । सबैको सहयोग पनि पाएँ ।

बिहे बिटुलो मरि मराउ, बिकास निर्माणको क्रममा समेत उनि सँधै अग्रभागमा खटिन्छन् । निश्पक्ष र निडर स्वभावका उनि काँग्रेसका तर्फबाट वडाध्यक्षका उम्मेदवारका रुपमा खडा भएपनि उनलाई अघिल्लो निर्वाचनमा अन्य दलमा आस्थावान मतदाताले समेत मतदान गरेका थिए ।

प्रष्ट बिचार, भिजन सहितको बिकास निर्माणको सोंच, सबैसंग सहजरुपमा घुलमिल हुने खुवी, सामाजिक काममा पुर्णरुपमा लागि पर्ने तत्परता र सबै सेवाग्राहिलाई समान रुपमा ब्यवहार गर्ने उनको स्वभावका कारण पनि उनि सबैदलका मतदाता बिच लोकप्रिय छन् ।

जसका कारण पनि उनलाई यसपालि समेत सबै दलका मतदाताले बिना हिचकिचाहट मतदान गर्ने अवस्था श्रृजना भएको छ । स्थानीय निर्वाचन हो मतदाताले आफ्नो गाउँ ठाउँमा बिकास गर्ने, बिश्वासिलो नेताको खोजी गरिरहेका छन् ।

अवश्य नै अहिलेका सचेत मतदाताले शासक हैन सेवक रोज्ने छन् । उनको यो उम्मेवारी उनको ब्यक्तिगत संबृद्धिका लागि भन्दा पनि नगरवासि र वडावासिको हितका लागि पनि खोजिरहेका छन् । अघिल्लो कार्यकालमा उनले जनताको मन जित्ने धेरै कामहरु गरेका छन् ।

वडाको थोरै बजेटलाई सहि सदुपयोग गर्दै सर्बपक्षिय हितका लागि प्रभावकारी देखिने काम गरेका छन् । त्यसैले पनि उनको जितको संभावना यसपटक थप बलियो देखिन्छ ।