काठमाडौँ, २४ वैशाख  । बन्दाबन्दी (लकडाउन) को समयमा नेपाल स्वयसेवक संघले निःशुल्क खाना खुवाइरहेको छ ।

गत चैत  १५ गतेदेखि भक्तपुर र कोटेश्वरका विभिन्न स्थानमा पुगेर निःशुल्क रुपमा खाना खुवाइरहेको संघका अध्यक्ष सन्तोष निरौलाले जानकारी  दिएका छन । उनले  लकडाउनमा कोही पनि भोकै वस्न नपरोस् भनेर खाना खुवाउन थालेको बताए ।

उनले वाटोमा अलिपत्र परेका मानिस, मजदुर, विद्यार्थी, कोठामा बस्ने र अस्पतालका विरामीलाई खाना खुवाइरहेको बताए ।
संघले विहान ९.३० देखि १२ र साँझ ५ः३० बजेदेखि ९ बजेसम्म भक्तपुर, ठिमी, सूर्यविनायक, भक्तपुर क्यान्सर अस्पताल र कोटेश्वरका विभिन्न स्थानमा पुगेर खाना खुवाउने गरेको छ ।

“पकाएको खाना गाडीमा राखेर ति स्थानमा जाने गरेका छौ” संघकी उपाध्यक्ष सिता सुवेदीले भनिन । “अनि बाटोमा हिडिरहेका मानिस र मजदुरलाई खाना दिन्छौ ।” उनले  विभिन्न संघसंस्थासंग खाद्यान्न मागि खाना बनाएर खुवाएको  बताइन् ।खानामा दाल, तरकारी, भात र अचार रहने गरेको छ । खाना खानको लागि प्लाष्टिकका सामान प्रयोग गरिएको हुन्छ ।उनका अनुसार खाना खुवाउनका लागि ३० जना स्वयसेवक परिचालन गरिएको छ ।

पहिले दैनिक १५० जनालाई खाना खुवाउदै गरेकोमा अहिले ६ सय जना पुगेका छन् । विहान तीन सय जना हुन्छन भने साँझ पख भने मानिसहरुको संख्या बढ्ने गर्दछ ।
संघले २०७२ सालको भूकम्प र विभिन्न ठाउँमा गएको बाढी पहिरोमा समेत यसैगरी खाना खुवाउने गरेको थियो ।

क्याटेगोरी : समाचार
ट्याग : #बन्दाबन्दी

---

---

---