Techie IT
सोमबार, कात्तिक १,२०७८

सचिवालय बैठक चल्दाचल्दै किन वाहिरिए ओली


काठमाडौँ, २४ बैशाख । नेकपा सचिवालय बैठक चल्दाचल्दै प्रधानमन्त्री एवं अध्यक्ष केपी शर्मा ओली एक्कासी बाहिरिएका छन्।

बैठकमा एक व्यक्ति एक पदका विषयमा विवाद भएपछि प्रधानमन्त्री ओली बैठकबाट बाहिरिएको बताइएको छ।

बिहीबार बस्ने स्थायी कमिटी बैठकका एजेन्डा तय गर्न सचिवालयको बैठक प्रधानमन्त्री निवास वालुवाटारमा बसेको हो।

‘सचिवालय बैठक चलिरहेकै समयमा प्रधानमन्त्री बीचमै उठेर हिड्नुभएको छ, उहाँ उठेर हिँडे पनि बैठक भने जारी छ, अन्य नेताहरु भित्रै हुनुहुन्छ’ सचिवालय स्रोतले भन्यो।

गत शनिबार बसेको सचिवालय बैठकले पार्टीभित्र देखिएको विवाद समाधानका लागि एक व्यक्ति एक जिम्मेवारीमा सहमति गरेको थियो।

उक्त बैठकमा एक व्यक्ति एक मुख्य जिम्मेवारीमा सहमत भई कमजोरीप्रति आत्मालोचनासमेत गरेका प्रधानमन्त्री ओलीले त्यसपछि भने सो सहमतिको विपक्षमा देखिँदै आएका थिए।

भोलि स्थायी कमिटी बैठक वोलाइएको छ ।


क्याटेगोरी : ब्रेकिंग न्युज, विशेष, समाचार
ट्याग : #सचिवालय बैठक


तपाईको कमेन्ट लेख्नुहोस्


थप समाचार