Techie IT
आईतबार, कात्तिक ९,२०७७

तारकेश्वर नगरपालिकामा बिदेसबाट आएका १५२ को आरडिटि परिक्षण


३ वैशाख, काठमाडौं । तारकेश्वर नगरपालिकामा आज ¥यापिड डाइग्नोस्टिक टेस्ट (आरडिटी) सम्पन्न भएको छ । ११ ओटा वडाको दुई स्थानमा परिक्षण गरिएको थियो ।
तारकेश्वर वडा नं. ४, ५, ७, ८, ९, १० र ११ को वडा नं. १० को शहरि स्वास्थ्य केन्द्र र तारकेश्वर वडा नं. १, २, ३ र ६ को धर्मस्थली स्वास्थ्य चौकीमा ¥यापिड परिक्षण भएको छ ।

तारकेश्वर वडा नं. १० को शहरी स्वास्थ्य केन्द्रमा १०६ जनाको टेष्ट गर्नुका साथै धर्मस्थलि स्वास्थ्य चौकी ता.न.प. ६ मा बाँकीको गरिएको कुरा तारकेश्वर नगर स्वास्थ्य साखाको कम्प्युटर अपरेटर (सहायक पाँचौ स्तर) कल्याण लामिछानेले बताएका छन् । उनका अनुसार कुनैपनि नागरिकमा पोजेटिभ देखिएन । यसबाट तारकेश्वर नगरपालिका अहिलेसम्म कोरोनाबाट सुरक्षित नगर भनेर चिनाउन सफल भएको छ ।

तारकेश्वर नगरपालिका नगर प्रमुख रामेश्वर बोहोराले ¥यापिड परिक्षण स्थलहरुमा पुगेर सामाजिक दुरी कायम भए नभएको निरिक्षण गरेका थिए । नगर प्रमुख रामेश्वर बोहोराले सामाजिक दुरी कायम राख्न स्वास्थ्य साखाका कर्मचारीहरुलाई निर्देशन समेत दिएका थिए ।

यसरी नै लकडाउनलाई पूर्ण रुपमा पालना तारकेश्वर नगरपालिकाले गर्न सकेमा सुरक्षित रुपमा नागरिकहरुले बाँच्न पाउनेछन् । नगरपालिको ध्यान पनि नगरलाई सुरक्षित बनाउनुका साथै नगरभित्र बसोबास गरेका नागरिकहरुलाई खाद्यान्न उपलब्ध गराउने तर्फ जान आवश्यक छ ।

फरक पत्रबाट साभार


क्याटेगोरी : समाचार
ट्याग : #तारकेश्वर नगरपालिका


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!