काठमाडौं, ९ चैत्र -राष्ट्रिय उपभोक्ता मञ्चका अध्यक्ष प्रेमलाल महर्जनले सरकारले सबै क्षेत्रको अनुगमनलाई प्रभावकारी रुपमा अगाडि बढाउन जरुरी रहेको बताएका छन् । सम्बाद क्लब नेपालमा भएको कार्यक्रममा बोल्दै उनले जनता पनि सजक हुन जरुरी रहेको औल्याए । महर्जनले भारतबाट नेपाल आउने सवारी साधनमा आउने मानिस भित्रता सरकारले प्रभावकारी रुपमा चेकजाँच गर्न नसकेको आरोप लगाए । उनले भारतबाट नेपाल आउने सुनौली नाकामा विहान ६ बजे देखि वेलुका ६बजे सम्म चेकजाँच भए पनि रातीको समयमा चेकजाँच गर्ने काममा लापरवाही भएको बताए।

सार्वजनिक यातायात केन्द्रिय महासंघ नेपालले सरकारले कोरोना भाइरस भित्रन् नदिन गरेको प्रयासलाई स्वागत गरेको छ । महासंघले काठमाडौंमा पत्रकार सम्मेलनको आयोजना गरि सरकारले लामो दुरीका सवारी रोक्ने निर्णय स्वागतयोग्य भएको बताएको छ । महासंघका अध्यक्ष होमप्रसाद अधिकारीले नेपाल सरकारले कोरोना भाइरस आउन नदिन जुन किसिमका कामहरु गरेको त्यसको लागि महासंघले हातेमालो र सहयोग गर्ने बताए। ‘प्रधानमन्त्री केपी शर्मा ओलीले शुक्रवार राष्ट्रका नाममा जुन सम्वोधन गर्नुभएको छ, त्यसमा पनि महासंघले स्वागत गरेको छ’ अध्यक्ष अधिकारीले भने । उनले कोरोनाको संक्रमण भित्रन नदिन भारतबाट भित्रने भारतीय नागरिक पनि पूर्ण रुपमा रोक्न सरकारलाई आग्रह गरे । साथै अधिकारीले नेपाली सवारी साधनहरुलाई ज्वरो नाप्ने यन्त्र, मास्क जस्ता सामानहरु उपलव्ध गराईदिन समेत सरकारलाई आग्रह गरे । सरकाले तोकेको भन्दा कुनै सवारीले धेरै भाडा लिएको पार्इएमा कारवाहीको दायरामा ल्याउन महासंघले सहयोग गर्ने प्रतिबद्धता पनि उनले व्यक्त गरे ।

थप समाचार

मोजाम्बिक र स्विट्जरल्याण्डका लागि गैरआवासीय राजदूत नियुक्त

आफैँ अस्थायी आवास बनाउने भूकम्प पीडितले पनि ५० हजार पाउने

सैन्य सामग्री प्रदर्शनीमा विद्यार्थीको चाख

स्वास्थ्य बीमा बोर्डको अध्यक्षमा डा. लोहनी