Techie IT
बिहीबार, मंसीर ११,२०७७

बूढानीलकण्ठमा कोसेली घर निर्माण गरिने


स्थानीय उत्पादनलाई प्रोत्साहन गर्न बूढानीलकण्ठ नगरपालिकाले कोसेली घर निर्माण गर्ने भएको छ । नगर क्षेत्रभित्र उत्पादन भएका पहिचान झल्कने खालका वस्तुको बिक्री वितरणका लागि कोसेली घरको निर्माण गर्ने जनाएको छ । स्थानीयस्तरमा घरेलु तथा साना उद्यमीले उत्पादन गरेका विभिन्न वस्तुलाई बजार उपलब्ध गराइने उद्देश्यले कोसेली घरको निर्माण गरिने नगरउपप्रमुख रमादेवी राईले बताउनुभयो ।

उक्त घरको निर्माणले स्थानीस्तरमा उत्पादन भएका घरेलु सामग्रीको बिक्री वितरण गरेर घरेलु तथा साना उद्यामीको जीवनस्तरमा परिर्वतन ल्याउन यसले मुख्य भूमिका खेल्ने औँल्याइएको छ ।

कोसेली घरमा नगरपालिकामा स्थानीयस्तरमा घरेलु तथा साना उद्यमीले उत्पादन गरेका क्रिष्टलका माला, हातले बुनेका सुइटर, झोला, हस्तकला, काष्ठकलालगायत विभिन्न सामग्री, गिफ्टका सामग्री र घरेलु उत्पादित विभिन्न खाद्य सामग्री राखिने नगरपालिकाका प्रवक्ता नवराज भण्डारीले बताउनुभयो । उक्त कोसेली घर नगरपालिकाको वडा नंं २ र १० मा निर्माण गरिने बताइएको छ ।


क्याटेगोरी : समाचार
ट्याग : #कोसेली घर निर्माण


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545