Techie IT
बिहीबार, असोज १५,२०७७

हल्लाको पछि नलागौं : टेकुमा भर्ना भएका चारैजनामा कोरोना नभएको पुष्टि


काठमाडौं, फागुन । कोरोना (कोभिड १९) भाइरसको आशंकामा टेकुमा राखिएका चारजना मै कोरोना नभएको पुष्टि भएको छ ।

टेकुस्थित शुक्रराज ट्रपिकल तथा सरुवा रोग अस्पतालमा भर्ना गरिएका चारजना बिरामीको स्वास्थ्य रिपोट नेगेटिभ आएपछि उनीहरुमा कोरोना नभएको पुष्टि भएको हो ।

परीक्षणका क्रममा उनीहरुमा कोरोना भाइरसको संक्रमण नदेखिएको जनस्वास्थ्य प्रयोगशालाले जनाएको छ। उनीहरुको रिपोर्ट अस्पतालले केही बेरमा सार्वजनिक गर्ने तयारी गरेको छ ।

सबै लक्षणहरु सामान्य देखिएपछि उनीहरुलाई आज (मंगलबार) नै अस्पतालबाट डिस्चार्ज गरिएको छ ।

अस्पतालका प्रवक्ता डा. अनुप बास्तोलाले भने, ‘उहाँहरु सबैको रिपोर्टमा कोरोनाको लक्षण देखिएन । कुनै समस्या नभएकोले उहाँहरुलाई डिस्चार्ज गरिएको छ।’

चीनबाट एकजना र कोरियाबाट आएका तीनजना गरी चारजनालाई बिरामीलाई आइतबार अस्पताल भर्ना गरिएको थियो ।

हालसम्म जम्मा २३ जना बिरामीलाई कोरोना आशंकामा आइसोलेसनमा राखिएको छ । तीमध्ये १९ जना सकुशल घर फर्किसकेका छन् ।


क्याटेगोरी : समाचार
ट्याग : #hot, #कोरोना


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!