काठमाडौँ, २० असार ।गोरखा प्रहरी प्रमुख एसपी भोला  रावलले गण्डकी प्रदेश प्रहरी प्रमुख डीआईजी विनोद शर्मा घिमिरेलाई बुधबार आमाचकारी गाली गरेका हुन् । एसपी रावललाई जिल्लाको ट्राफिक व्यवस्थापनका लागि सचेतनामुलक कार्यक्रम आयोजना गर्न आदेश दिन डिआइजी घिमिरेले पटक पटक फोन गरेपनि रावलले उठाएनन् ।

सञ्चारमा आएको आदेशपछि रावलले घिमिरेलाई फोन गरे । तर, अशिष्ट रुपमा प्रकट ए । गलवन्दी भन्दै एसपी रावलले डीआईजीकै भण्डाफोरमा गीत पनि गाइदिए । आमाचकारी गाली पनि गरे । आमाचकारी गाली केहीबेर सुनेपछि घिमिरेले थप सुन्न नसकेर फोन काटिदिए ।

एसपी रावलले मदिराले मातेर गाली गरेको पाइएको छ । उनी कार्यालय समयमा मदिराले मात्तिएर बसेका थिए । एसपी रावल धेरै दिनदेखी प्रदेश प्रहरी कार्यालयको सम्पर्कमा थिएनन् । सामान्यतया जिल्ला प्रमुखले प्रदेश प्रमुखलाई हरेकदिनजसो रिपोर्टिङ गर्नुपर्ने हुन्छ ।

रावलले तथानाम गाली गरेपछि प्रदेश प्रहरी कार्यालयका एसएसपी हरिराज वाग्ले नेतृत्वको टोलीलाई गोरखा पठाईएको थियो । वाग्ले जिल्ला अस्पतालबाट डाक्टर सुचिता अमात्यको टोली लिएर बुधबार दिउँसो करिब साढे ३ बजे एसपीको निवासमा पुगे । डाक्टरले मापसे जाँच गरेपछि एसएसपी वाग्ले रिपोर्ट लिएर पोखरा फर्किएका थिए ।

मदिरा सेवनका कारण एसपी रावल पटक पटक विवादमा आइरहन्छन् । यसअघि डिएसपी हुँदा पनि उनी विवादमा तानिएका थिए ।

क्याटेगोरी : समाचार
ट्याग : #hot, #एसपी मदिराले माते

---

---

---