खाँदबारी, २२ बैशाख –  संखुवासभाको भोटखोला ४ मा सिम्रिक एयरको हेलिकप्टर दुर्घटना हुँदा एक जनाको मृत्यु भएको छ । चारजना गम्भिर घाईते भएका छन् ।

शुक्रबार दिउँसो १ बजेर १० मिनेटमा भोटखोला गाउँपालिका ४ हटियाको सिक्प्रुङको हम्मरे डाँडामा रुखमा ठोक्किएर हेलिकप्टर दुर्घटना भएको हो । दुर्घटनामा परी स्थानीय भविन गुरुङको मृत्यु भएको डिएसपी वीरेन्द्र गोदारले बताए । मृतक गुरुङ हेलिकप्टरमा सहयोगीको रुपमा काम गर्दै आएका थिए । क्याप्टेन सुरेन्द्र पौडेल, कोपाईलट छिरिङ भोटे, सहयोगी मनोज थापा, बिद्युत प्राधिकरणका कर्मचारी बिक्रम शंकर गम्भिर घाईते छन् ।

उनीहरुको शरिरका बिभिन्न भागमा चोट लागेको छ । घाईतेमध्ये बिक्रम शंकरको जिल्ला अस्पतालमा उपचार हुन नसकेपछि सिम्रिक एयरको अर्को हेलिकप्टरबाट थप उपचारका लागि काठमाण्डौ लगिएको छ । क्याप्टेन सुरेन्द्र पौडेल, कोपाईलट छिरिङ भोटे, सहयोगी मनोज थापालाई घटनास्थलबाटै उद्धार गरेर काठमाण्डौ लगिएको छ ।

क्याटेगोरी : ब्रेकिंग न्युज, विशेष, समाचार
ट्याग : ##एकको मृत्यु, #breaking, #hot, #दुर्घटना, #मृत्यु, #संखुवासभा, #सिम्रिक एयर

---

---

---