नदीजन्य पदार्थ उत्खनन गर्ने ६ वटा ट्रिप्पर चितवन प्रहरीको नियन्त्रणमा

प्रनिश थापा चितवन संवाददाता २०७९ फागुन २ गते १६:०८ मा प्रकाशित

चितवन । अवैधरुपमा नदीजन्य पदार्थ उत्खनन गर्ने ट्रिप्परलाई चितवन प्रहरीले नियन्त्रणमा लिएको छ । भरतपुर महानगरपालिका वडा नंम्बर १० र ११ स्थित सडक खण्डबाट अबैध रुपमा नदीजन्य पदार्थ ल्याउँदै गरेको अवस्थामा ना ७ ख २९७५, ना ८ ख ४३७९, ना ७ ख ३७८२, ना ६ ख २२७०, ना ६ ख ६७२७ र बागमती प्रदेश ०३-००१ क ०८६५ नंम्बरको टिपरलाई मंगलबार प्रहरीले नियन्त्रणमा लिएको जिल्ला प्रहरी कार्यालय चितवनले जनाएको छ ।

नदीजन्य पदार्थ उत्खनन गर्ने कार्यमा संलग्न रहेको सवारीसाधनहरुमाथि आक्रमक रूपमा प्रस्तुत हुँदै आएको चितवन प्रहरीले विभिन्न समयमा अप्रेसन समेत चलाउँदै आएको छ । सोही अप्रेसन अन्तर्गत प्रहरीले ६ वटा ट्रिप्परलाइ नियन्त्रणमा लिइ कार्वाही गर्न सफल भएको हो । नियन्त्रणमा लिइएको उक्त सवारी साधनलाइ आवश्यक कार्वाहीको लागी सम्बन्धि निकायमा पठाइएको चितवन प्रहरीका प्रमुख (एसपी) रामेश्वर कार्कीले जानकारी दिए ।

साथै, प्रहरीले नदीजन्य पदार्थहरुको उत्खनन भएको पाइए प्रहरी आक्रमक रूपमा प्रस्तुत हुने बताउँदै सो, कार्य कहिँ कतै भए गरेको पाइए तत्कालै आफ्नो नजीकैको प्रहरी कार्यालयमा खबर गर्न समेत अपिल गरेको छ । पछिल्लो समय जिल्ला प्रहरी कार्यालय चितवनले खोलानालाबाट हुने चोरी निकासी रोक्न मातहतका प्रहरी कार्यालयलाई निर्देशन दिएसंगै यस क्षेत्रमा हुँदै आएको नदीजन्य पदार्थ उत्खनन् ठप्प भएको छ भने लुकिछिपी चोरी निकासी गर्दै आइरहेको सवारीसाधन समेत नियन्त्रणमा आइरहेको छ ।

क्याटेगोरी : अपराध/सुरक्षा, फोटो फिचर, विशेष, देश परदेश, समाचार, स्थानीय