Techie IT
बिहीबार, माघ २६,२०७९

सोनाम ल्होसारमा निःशुल्क मुटुको जाँच तथा रक्तदान


काठमाडौँ । सेफ्स एशोसियशन अफ नेपालको आयोजनामा निःशुल्क मुटुको जाँच तथा रक्तदान गरिएको छ ।

एशोसियशनले सोनाम ल्होसारको अवसरमा आज नेपाल हार्ट फाउण्डेशनको सहकार्यमा निःशुल्क मुटुको जाँच तथा प्रसुती रक्त सञ्चार केन्द्र थापाथलीको सहकार्यमा रक्तदान कार्यक्रम आयोजना गरिएको हो ।

कार्यक्रममा बोल्दै एशोसियशनका अध्यक्ष श्यामबहादुर लामाले एउटा व्यक्तिले दिएको रगतले अर्को व्यक्तिको जीवन जोगिन सक्ने भएकाले एशोसियशनले सामाजिक कार्यअन्तर्गत रक्तदान कार्यक्रम आयोजना गरेको जानकारी दिनुभयो ।

“रक्तदान पुण्य काम हो, तपाईँले गरेको रक्तदानले अरु कसैको ज्यान जोगिन सक्छ, पुण्य काममा सबै सहभागी बनौँ,”– उहाँले भन्नुभयो । सोही अवसरमा नेपाल हार्ट फाउण्डेशनका अध्यक्ष सानुबाबु प्रजापति र वरिष्ठ मुटुरोग विशेषज्ञ डा प्रेमराज बैद्यले मुटुको जाँच गर्नुभएको थियो ।

एशोसियशनद्धारा आयोजित कार्यक्रममा ५३ जनाले रक्तदान गरेका थिए भने ५० भन्दा वढी व्यक्तिले मुटुको जाँच गराउनुभएको थियो ।


क्याटेगोरी : समाचार
ट्याग : #सेफ्स एशोसियशन अफ नेपाल


तपाईको कमेन्ट लेख्नुहोस्


Kathmandu
18°
Partly Cloudy
6:45 am5:50 pm +0545