रातारात आँधीहुरी प्रभावित क्षेत्रमा पुगे दिपेश

साझा पाना २०७५ चैत्र १८ गते १२:५० मा प्रकाशित

काठमाडौं । विद्यार्थी नेता दिपेश पुन तराईको आँधीहुरी प्रभावित क्षेत्रमा पुगेर उद्दारमा खटिएका छन् । आइतबार रातीसम्म काठमाडौं रहेका दिपेश रातारात नै प्रभावित क्षेत्र प्रस्थान गरेका हुन् ।

आँधीहुरीबाट ठूलो जनधनको क्षति भएको थाहा पाउने बित्तिकै दिपेश राति नै प्रभावित क्षेत्रमा पुगेर उद्दारमा खटिएका हुन् । दिपेशले आफ्नो फेसबुकमार्फत प्रभावित क्षेत्र पुगेर उद्दारमा खटिएको जानकारी गराएका हुन् ।

फेसबूकमा रक्तदान गरेको र उद्दारमा खटिएका तस्विर सार्वजनिक गरेका छन् । यसअघि समेत दिपशे विभिन्न विपद्का बेला सक्रियतापूर्वक खटिएर चर्चामा आउने गरेका थिए ।