Techie IT
बुधबार, असोज १९,२०७९

मधेश प्रदेशको कुल मतदाता सङ्ख्या ३३ लाख ८६ हजार


जनकपुरधाम । मधेश प्रदेशको आठ वटा जिल्लामा नयाँ मतदाता थप सँगै मतदाताको सङ्ख्या ३३ लाख ८६ हजार ६ सय २८ पुगेको छ ।

निर्वाचन कार्यालय मधेश प्रदेशले जानकारी दिए अनुसार १८ लाख २७ हजार ८ सय ५४ पुरुष र १५ लाख ५८ हजार ७ सय ४ महिला र फरक लिङ्गका ७० जना मतदाता रहेका छन् ।

प्रदेश निर्वाचन कार्यालय जनकपुरधामका सूचना अधिकारी कृष्णचन्द्र राउतले जिल्लागत रुपमा सप्तरीमा २ लाख १७ हजार २ सय ८२ पुरुष, २ लाख १ हजार ७१ महिला र अन्य २१ गरी जम्मा ४ लाख १८ हजार ३ सय ७४ मतदाता रहेका छन् ।

सिरहामा २ लाख २४ हजार ९९ पुरुष, १ लाख ९८ हजार ६ सय ११ महिला र अन्य २ गरी जम्मा ४ लाख २२ हजार ७ सय १२ मतदाता रहेका छन् । धनुषामा २ लाख ५२ हजार ९ सय १५ पुरुष र २ लाख २१ हजार ६ सय ६५ महिला र अन्य ७ जना गरी ४ लाख ७४ हजार ५ सय ८७ मतदाता रहेका छन् ।

महोत्तरी जिल्लामा २ लाख १५ हजार १ सय ३१ पुरुष, १ लाख ८१ हजार ८ सय ९८ महिला र अन्य एक जना गरी कुल ३ लाख ९७ हजार ३० मतदाता कायम भएका छन् । सर्लाहीमा २ लाख ५९ हजार ४ सय १४ पुरुष, २ लाख १९ हजार ६ सय १४ महिला र १० जना अन्य गरी जम्मा ४ लाख ९७ हजार ३८ मतदाता रहेका छन् ।

यसै गरि रौतहटमा २ लाख २७ हजार २ सय २९ पुरुष, १ लाख ८८ हजार २ सय ५५ महिला र एक जना अन्य गरी जम्मा ४ लाख १५ हजार ४ सय ५५ मतदाता छन् । बारामा २ लाख ३६ हजार ८ सय ८० पुरुष, १ लाख ९६ हजार ६१२ महिला र १२ जना अन्य गरी कुल ४ लाख ३३ हजार ५ सय ४ मतदाता रहेका छन् ।

त्यस्तै, पर्सामा १ लाख ९४ हजार ९ सय ४ पुरुष, १ लाख ५१ हजार ८ महिला र १६ अन्य मतदाता गरी कुल ३ लाख ४५ हजार ९ सय २८ जना मतदाता रहेका छन् ।


क्याटेगोरी : समाचार
ट्याग : #निर्वाचन कार्यालय मधेश प्रदेश


तपाईको कमेन्ट लेख्नुहोस्


Kathmandu
19°
Mostly Cloudy
5:58 am5:44 pm +0545