Techie IT
बिहीबार, असोज २०,२०७९

संबिधान दिवसमा संखुवासभामा ६ जना कैदि बन्दी रिहा


संखुवासभा – असोज ३ – संबिधान दिवसको अवसरमा संखुवासभाको खाँदबारी कारागारमा रहेका ६ जना कैदि बन्दी रिहा भएका छन् ।

रिहा हुनेहरुमा चैनपुर ३ का देवीमायाँ तामाङ्ग, खाँदबारी ३ का कमल दर्जी, चैनपुर नगरपालिका ५ का दोर्ची शेर्पा, पाँचखपन ३ का रोय भनिने डम्बर सिंह बिश्वकर्मा, मकालु ३ का साने भनिने निमातेम्बा शेर्पा र छथर गाउँपालिका ३ तेह्रथुमका तोर्णप्रसाद न्यौपाने रहेको जिल्ला कारागार संखुवासभाका जेलर बिनोद अधिकारीले जानकारी दिनुभयो ।

आज उनिहरुलाई एक कार्यक्रमका बिच आफन्तको जिम्मा लगाईएको जेलर अधिकारीले बताउनुभयो । आज रिहा गरिएका ६ जना मध्ये चैनपुर ५ का दोर्ची शेर्पाले सवारी ज्यान मुद्धामा कैद भुक्तान गरिरहेका थिए भने अन्य पाँचै जना कर्तब्य ज्यान मुद्धामा कैद सजाँय भोगिरहेका थिए ।

उनिहरुले कैद सजाँयको ५० प्रतिशत भुक्तानी गरिसकेको र उनिहरुको आचरणमा उल्लेख्य सुधार देखिएको जेलर बिनोद अधिकारीले बताउनु भयो ।


क्याटेगोरी : विशेष, समाचार
ट्याग : #hot, #कैदिबन्दी छुटे, #जिल्ला कारागार संखुवासभा, #बिनोद अधिकारि, #संविधान दिवस


तपाईको कमेन्ट लेख्नुहोस्


Kathmandu
19°
Light Rain
5:58 am5:44 pm +0545