टोखा नगरपालिकाद्धारा ज्येष्ठ नागरिकलाई थर्मस वितरण

साझा पाना २०७५ पुस २ गते १०:१२ मा प्रकाशित

काठमाडौं । टोखा नगरपालिकाले ज्येष्ठ नागरिकलाई तातोपानी खुवाउने उद्देश्यका साथ थर्मस वितरण गर्न शुरु गरेको छ । वडाभित्र रहेका ज्येष्ठ नागरिकलाई नगरपालिकाले थर्मश वितरण गरेको हो ।

टोखा नगरपालिका भित्र कुल १ हजार ५ सय ६ ज्येष्ठ नागरिक रहेका छन । जसमा पुरुष ८ सय २० र महिला ६ सय ८६ हुन । पुस–माघको ठण्डी बढ्दै जाने क्रममा जेष्ठ नागरिकलाई दम, खोकी, रुगा, पिनासले नसताओस भनेर थर्मश वितरण गरेको नगरपालिकाकी उप–प्रमुख ज्ञानमाया डंगोलले बताईन् ।

टोखा नगरपालिका भित्र रहेका ११ वडा मध्ये १, ४, ५, ७ र ९ ले प्रत्येक ज्येष्ठ नागरिकलाई थर्मश वितरण गरिसकेको छ । बाँकी रहेका अन्य ६ वटा वडामा भने पुस मध्यसम्म वितरण गर्ने जानकारी दिएको छ ।

क्याटेगोरी : समाचार
ट्याग : #टोखा नगरपालिका