Techie IT
आईतबार, असार १२,२०७९

आज देशका केही स्थानमा मुसलधारे वर्षाको सम्भावना


काठमाडौं । आज देशका केही स्थानमा मुसलधारे वर्षाको सम्भावना रहेको छ ।

जल तथा मौसम विज्ञान विभाग, मौसम पूर्वानुमान महाशाखाका अनुसार आज बिहीबार अपरान्ह प्रदेश १, मधेश प्रदेश, बागमती प्रदेश र गण्डकी प्रदेशमा सामान्य बदली तथा बाँकी भूभागहरूमा आंशिक बदली रहनेछ ।

प्रदेश १, मधेश प्रदेश, बागमती प्रदेश र गण्डकी प्रदेशका केही स्थानहरुमा र कर्णाली र लुम्बिनी प्रदेशका थोरै स्थानहरुमा मेघ गर्जन र चट्याङ्गसहित हल्कादेखि मध्यम वर्षाको सम्भावना रहेको छ ।

त्यस्तै प्रदेश १ का एक वा दुई स्थानमा मुसलधारे वर्षाको पनि सम्भावना रहेकाले सोही अनुसार सतर्कता अपनाउन महाशाखाले अपिल गरेको छ ।

हाल देशको प्रदेश नं १, मधेश प्रदेश, बागमती प्रदेश र गण्डकी प्रदेशमा मनसुनी वायुको सामान्य प्रभाव रहेको र अन्य भूभागमा स्थानीय वायु, पश्चिमी वायु तथा भारतको उत्तर प्रदेश र विहारमा रहेको पूर्वपश्चिमी न्यून चापीय रेखाको प्रभाव रहेको महाशाखाको भनाइ छ ।


क्याटेगोरी : समाचार
ट्याग : #वर्षा


तपाईको कमेन्ट लेख्नुहोस्