Techie IT
मंगलबार, मंसीर १६,२०७७

प्रचण्डमाथि आक्रमण प्रयास गर्ने रिमाल रिहा


पूर्वप्रधानमन्त्री एवं सत्तारुढ नेकपाका अध्यक्ष पुष्पकमल दाहाल ‘प्रचण्ड’माथि आक्रमण प्रयास गर्ने रामबहादुर रिमाल रिहा भएका छन् ।
उनीमाथि अध्यक्ष प्रचण्डमाथि सार्वजनिक कार्यक्रममा अभद्र व्यवहार गरेको अभियोग लगाइएको थियो ।

यही मंसिर ६ गते चितवनको भरतपुर महानगरपालिका वडा नम्बर २३ स्थित कृष्णचोक मधुपुरीमा आयोजित पार्टी प्रवेश कार्यक्रमका प्रमुख अतिथि प्रचण्डमाथि अभद्र व्यवहार गरेको भन्दै उनलाई मंसिर ७ गते साँझ ७ बजेतिर भमनपा–२३ स्थित निवासबाटै चितवन प्रहरीले गिरफ्तार गरेको थियो । रिमालमाथि अभद्र व्यवहारसम्बन्धी मुद्दा चलाइएकोमा उनलाई जिल्ला प्रशासन कार्यालय चितवनले ५ हजार धरौटी लिई ६ दिनपछि हिजो बिहीबार उनलाई रिहा गरेको हो ।

रिहा भएका रिमाल प्रचण्डको नेतृत्वमा चलेको तत्कालीन जनयुद्धको सक्रिय कार्यकर्ता समेत हुन् । रिमालले अध्यक्ष प्रचण्डले जनयुद्धमा उठाएको एजेण्डा र उद्देश्यमाथि घात गरेर स्वार्थमा लागेको भन्दै असन्तुष्ट व्यक्त गर्दै आएका छन् ।


क्याटेगोरी : समाचार
ट्याग : #प्रचण्डमाथि आक्रमण


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545