पुस मसान्तसम्म तीनै तहमा कर्मचारी समायोजन हुने
सङ्घीय मामिला तथा सामान्य प्रशासनमन्त्री लालबाबु पण्डितले आगामी पुस मसान्तसम्ममा तीन वटै तहमा कर्मचारी समायोजन भइसक्ने वताउनुभएको छ ।
विराटनगर विमानस्थलमा आज सञ्चारकर्मीसँग कुरा गर्दै उहाँले भन्नुभयो, “कर्मचारी समायोजनसम्बन्धी अध्यादेश मन्त्रिपरिषद्मा छलफल भएर परामर्शका लागि लोकसेवा आयोगमा पठाइएको छ, त्यो अध्यादेश पारित भएर ऐनका रुपमा आएपछि तीन वटै तहमा देखिएको कर्मचारीसम्बन्धी समस्या समाधान हुनेछ ।”
मन्त्री पण्डितले समायोजनमा कर्मचारीलाई प्रोत्साहन दिइएको उल्लेख गर्दै प्रदेश लोकसेवा ऐन नबनुञ्जेल सङ्घीय लोकसेवा आयोगले आवश्यक पदपूर्ति खुला गरी कर्मचारी खटाउने बताउनुभयो ।
प्रदेशका मन्त्रालयमा अस्थायी रुपमा विज्ञताका आधारमा सचिव सरुवा गरिएको स्पष्ट पार्दै उहाँले कर्मचारी ऐन आएपछि निश्चित अवधि पूरा नभएसम्म सरुवा–बढुवा नहुने जानकारी दिनुभयो ।
एक प्रश्नको जवाफमा उहाँले सरकारले उपलब्ध गराएको बाहेक अन्य केही पनि सुविधा आफूले नलिएको बताउनुभयो ।
क्याटेगोरी : समाचार
ट्याग : #hot, #कर्मचारी समायोजन
धेरै पढिएका
- १चितवनमा रातको समयमा चोरी गर्दै हिंड्ने एक जना पक्राउ
- २चितवनमा ट्रकको ठक्करबाट (एसपी) अधिकारी सहित ६ जना घाइते
- ३झोरमा गम्भिर दुर्घटना ,दुई जना गम्भीर घाइते ( हेर्नुहोस भिडियो )
- ४टाँडी बजारमा रहेको एटुजेड मोवाईल हाउसमा चोरी
- ५पुर्वी चितवनमा एक जनाको हत्या, अभियुक्तलाई नियन्त्रणमा लिन खोज्दा प्रहरीमाथि आक्रमण, सात घाइते
- ६चितवनको कयर खोलामा तस्करहरुको रजाइँ, स्थानीय चिन्तित, प्रहरी – प्रशासन मौन
- ७टोखामा टिपरको ठक्करबाट दुई जनाको मृत्यु
- ८फुटुङ्ग ,चिम्वरपोखरी सडक दयनीय : सार्बजनीक यातायात बन्द
तपाईको कमेन्ट लेख्नुहोस्