Techie IT
मंगलबार, माघ १७,२०७९

यौन स्वास्थ्य तथा आत्मरक्षा सम्बन्धी कार्यक्रम


 

काठमाण्डौं । राष्ट्रिय शारीरिक अपाङ्ग संघको आयोजना तथा (MIUSA) Mobility international usa र CHANNEL FOUNDATION सहयोगमा यौन तथा प्रजनन स्वास्थ्य तथा आत्मरक्षा विषयक एक दिने अन्तरक्रिया कार्यक्रम काठमाण्डौंमा सम्पन्न भएको छ  । सो कार्यक्रममा आयोजक राष्ट्रिय शारीरिक अपाङ्ग संघका अध्यक्ष किरण शिल्पकारले यौन स्वास्थ्य तथा सुरक्षाको विषयमा अपाङ्गता भएका महिलाहरुले पनि जानकारी लिनु पर्ने बताउदै स्वागत मततव्य राख्नु भएको थियो ।

सोही क्रममा अपाङ्गता अधिकारकर्मी तथा समानताका लागि आवाजकी अध्य्रक्ष रमा ढकालले आफु श्रीलङ्ककामा गएर यौन तथा स्वास्थ्य र आत्मरक्षाको विषयमा सिकेका कुराहरु बताउदै अपाङ्गता भएका व्यक्तिहरुको अधिकार सम्बन्धी ऐन २०७४ मा उल्लेख गरिएको अपाङ्गताको प्रकारको विषयमा प्रष्ट पार्नु भएको थियो ।

त्यसै गरी अपाङ्गता तथा युवा अधिकारकर्मी सरिता लामिछानेले यौन तथा प्रजनन् स्वास्थ्यको विषयमा सहजिकरण गर्दै यस्ता विषयहरुमा अपाङ्गता भएका महिलाहरुले पनि जानकारी राख्नु पर्ने बताउनु भयो । सो यौन स्वास्थ्य तथा आत्मरक्षा सम्बन्धी कार्यक्रममा फाइट ब्याक नेपालका प्रमुख प्रशिक्षक उद्धव थापा मगरले आत्मरक्षाको तालिमलाई प्रयोगात्मक रुपमा सिकाउनु भएको थियो भने सोही संस्थाका प्रयोगात्मक प्रशिक्षक अरमानराज पाण्डेले आत्यमरक्षा भनेको के हो ?, यो किन आवश्यक हुन्छ भनि प्रष्ट पार्नु भएको थियो ।

सो आत्मरक्षाको प्रयोगात्मक अभ्यासमा उक्त फाइट ब्याक नेपालका सहायक प्रशिक्षक पुजा गुरुङ् र इन्ट्रन अनुशा श्रेष्ठले पनि सहयोग गर्नु भएको थियो ।


क्याटेगोरी : समाचार
ट्याग : #यौन स्वास्थ्य


तपाईको कमेन्ट लेख्नुहोस्


Kathmandu
22°
Partly Cloudy
6:50 am5:43 pm +0545