दुर्घटनाका कारण अवरुद्ध अन्तर्राष्ट्रिय विमानस्थल सञ्चालनमा आयो
यती एयरलाइन्सको विमान दुर्घटनाका कारण अवरुद्ध त्रिभुवन अन्तर्राष्ट्रिय विमानस्थल केहीसमय अघिदेखि सञ्चालनमा आएको छ ।
झण्डै १२ घण्टादेखि अवरुद्ध विमानस्थल खुलेसँगै आन्तरिक तथा अन्तर्राष्ट्रिय उडान सामान्य अवस्थामा सञ्चालन भएको विमानस्थलले जनाएको छ ।
विमानस्थलका महाप्रबन्धक राजकुमार क्षेत्रीका अनुसार धस्सिएको विमानलाई लामो समयको प्रयासपछि अहिले यतीकै पार्किङस्थलमा लगिएको छ । करीब २० मिनेट अघिदेखि सेवा शुरु गरिएको हो ।
नेपालगञ्जबाट २१ यात्रु बोकेर काठमाडौँ आइपुगेको यतीको कलसाइन नाइन एन एएचडब्लु भएको जेट स्ट्रिम विमान गए राति अवतरणको क्रममा धावनमार्गमा चिप्लिएको थियो । शनिबार राति ८ः३० बजे भएको उक्त घटनापछि विमानस्थल अवरुद्ध थियो । दुर्घटनामा कुनै मानवीय क्षति भएन ।
घाँसे मैदानमा धस्सिएको विमानलाई प्राधिकरण, विमानस्थलको फायर फाइटिङका कर्मचारी, नेपाल प्रहरी, सशस्त्र प्रहरी बललगायतको संयुक्त टोलीले लगातारको प्रयासपछि धावनमार्गमा लगेको थियो ।
क्याटेगोरी : समाचार
ट्याग : #hot, #विमान दुर्घटना
धेरै पढिएका
- १चितवनमा ट्रकको ठक्करबाट (एसपी) अधिकारी सहित ६ जना घाइते
- २झोरमा गम्भिर दुर्घटना ,दुई जना गम्भीर घाइते ( हेर्नुहोस भिडियो )
- ३चितवनको कयर खोलामा तस्करहरुको रजाइँ, स्थानीय चिन्तित, प्रहरी – प्रशासन मौन
- ४टोखामा टिपरको ठक्करबाट दुई जनाको मृत्यु
- ५फुटुङ्ग ,चिम्वरपोखरी सडक दयनीय : सार्बजनीक यातायात बन्द
- ६कञ्चनपुरमा भूमि आयोगको कार्यमा तीव्रता
- ७तारकेश्वर कांग्रेस : यि हुन इकाई सभापतीका संभावित प्रत्यासीहरु (सूचिसहित)
- ८नदी दोहन विरुद्ध आक्रमक बन्दै टाँडीका (डिएसपी) राना : २१ सवारी नियन्त्रणमा
तपाईको कमेन्ट लेख्नुहोस्