Techie IT
आईतबार, साउन १०,२०७८

चितवनको कयर खोलामा तस्करहरुको रजाइँ, स्थानीय चिन्तित, प्रहरी – प्रशासन मौन


चितवन । पूर्वी चितवनको रत्ननगर र खैरहनीको सिमानामा रहेको कयर खोलाबाट अवैध रुपमा गिट्टी, बालुवाको उत्खनन हुने गरेको पाइएको छ । रत्ननगरको पिठुवा र खैरहनीको चैनपुरका स्थानीय युवाहरुले दिनहुँजसो खोलाबाट नदीजन्य पदार्थ ढुंगा, गिट्टी, बालुवाको उत्खनन गर्ने गरेको पाइएको हो ।

कोरोना महामारीलाइ नियन्त्रणमा लिन स्थानीय प्रशासनले बैशाख २० गतेदेखि जिल्लाभर निषेधाज्ञा जारी गरेको छ । तर, निषेधाज्ञाको बाबजुद पनि उनीहरुले यहाँबाट दैनिक जसो गिट्टी, बालुवाको उत्खनन गरिरहेका छन् ।

नदीजन्य पदार्थहरुको यसरी खुलेआमरूपमा उत्खनन हुने गरेको भएपनि प्रहरी र स्थानीय तहले भने खासै चासो नदेखाएको स्थानीयहरुको भनाइ छ । कोरोनाको बहानामा सर्वसाधारणलाइ घरमा थुनेर नदीजन्य पदार्थ ओसारपसारमा प्रहरी स्वयंले छुट दिइएको आरोप स्थानीयको छ ।

नजीकैको प्रहरीले समेत रोक्न नसक्नुले पनि उनीहरुको सेटिङ राम्रै रहेको आंकलन गर्न सकिन्छ, एक स्थानीयले भने, उत्खनन कार्य बन्द गराउनु प्रहरीको पनि कर्तव्य हो । तर, प्रहरी स्वयंले नै देखेंर पनि नदेखे झैँ गर्छन्, कस्तो बिड्म्बना ? उनलेे भने । पुल नजिकबाट जेसिबीको प्रयोग गरेर धमाधम ग्रावेल निकाल्ने काम हुँदै आएपनि स्थानीय तह समेत टुलुटुलु हेरेर बस्ने गरेको स्थानीय बताउँछन् ।

जिल्ला समन्वय समितीले ढुगा, गिटी ग्राभेल बालुवा बिक्री कर संकलन ठेक्का बन्दोबस्त सम्बन्धी सुचनाको ११ नम्बर बुदामा ढुगां गिटी बालुवाको उत्खन्न तथा निकासीमा स्वीकृत आई ई ईमा व्यवस्था वमोजिम औजारको प्रयोग गर्न सकिने उल्लेख गरेको छ ।

आई.ई.ई मा व्यवस्था गरिएको औजारमा मेसिन उल्लेख नभएको र मेसिनको प्रयोग खोलामा गर्न नपाईने उल्लेख छ । तर, ठेकदारहरुले नियम विपरीत मेसिनको प्रयोग गरेर धमाधम ग्रावेल उत्खनन गरिरहेको छ ।

कयरको राजमार्गपछिको दोश्रो पुलको ५ सय मिटर उत्तरा खण्ड नदीजन्य पदार्थ निकाल्न पर्नेमा यतिवेला ठेकेदार र तस्कारहरुले पुल भन्दा दक्षिण र उत्तर तर्फ ३ देखि ४ वटा बढी एक्साभेटर प्रयोग गरिएको सजिलै देख्न सकिन्छ । खैरहनी नगरपालिकाकै संरक्षणमा उनीहरुले जेसिवी नै लगाएर ग्रावेल निकालेको भए पनि कार्वाही गर्ने अधिकारी भने यतिखेर रमिते भएर बसेका छन् ।


क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय


तपाईको कमेन्ट लेख्नुहोस्