Techie IT
शुक्रबार, वैशाख ३१,२०७८

नयाँ वर्षमा प्रविधिमैत्री ‘जाउँ है पोखरा’ अभियान सञ्चालन


कास्की ।पश्चिमाञ्चल होटल सङ्घ पोखराले नयाँ वर्षका अवसरमा प्रविधिलाई विशेष प्राथमिकतामा दिँदै ‘जाउँ है पोखरा’ अभियान सञ्चालन गर्ने भएको छ ।

कोभिड– १९ को सङ्क्रमणका कारण यसपटक भौतिक महोत्सव आयोजना नगरी प्रविधिमा आधारित क्यूआर कोडलाई प्रोत्साहन गर्दै ‘जाउँ है पोखरा’ अभियान सञ्चालन गरिएको सङ्घका अध्यक्ष विकल तुलाचनले बताए ।

नयाँ वर्ष २०७८ को अवसरमा सङ्घले पोखरा र त्यस क्षेत्रमा आन्तरिक पर्यटनको वृद्धि गर्न इ–सेवा र फोन पे प्रालिसँग सहकार्य गरी ‘जाउँ है पोखरा’ भन्ने दुई दिवसीय डजिटलमैत्री अभियान सञ्चालन गरेको उनले जानकारी दिए।

यो अभियान ५५ वटा बैंक तथा वित्तीय संस्थामा आबद्ध एक करोड ६० लाख ग्राहकसम्म पुग्ने विश्वास सङ्घले लिइएको छ । नेपाल राष्ट्र बैंकको प्रविधिमैत्री र खासगरी क्यासलेस भुक्तानी अभियानलाई प्रोत्साहन गर्न सङ्घले नयाँ वर्षको अवसरमा २०७७ चैत ३१ गते र नयाँ वर्ष वैशाख १ गते सदस्य होटल प्रतिष्ठानमा बस्ने पाहुनाले क्यूआर कोडमार्फत भुुक्तानी गर्दा होटल प्रतिष्ठानको प्रकाशित दररेटमा ४० प्रतिशत छुट र क्यूआरमार्फत भुक्तानी गर्दा विभिन्न बैंकले पाहुनालाई अतिरिक्त क्यास ब्याक दिने उनको भनाई छ ।

नयाँ वर्षको अवसरमा पोखरास्थित होटल प्रतिष्ठानले छुट्टाछुट्टै तवरबाट विभिन्न छुट तथा सहुलियतका आकर्षक प्याकेज सार्वजनिक गरेको र ती बाटसमेत लाभ लिन पश्चिमाञ्चल होटेल सङ्घले सबै पाहुनालाई  आग्रह गरेको छ ।


क्याटेगोरी : समाचार
ट्याग : ##जाउँ है पोखरा’ अभियान सञ्चालन, #breaking


तपाईको कमेन्ट लेख्नुहोस्