यस्तो छ पशुपतिका चार आयोजना
विश्वसम्पदा सूचीमा सूचीकृत पशुपति क्षेत्रमा पुनःनिर्माण एवं दर्शन मार्गमा ढुंगा बिच्छ्याउने कामका लागि चार वटा आयोजनाको बोलपत्र स्वीकृत भएको छ ।
पशुपति क्षेत्र विकास कोषको निर्णयबमोजिम दर्शन मार्गमा ढुंगा छाप्न धर्म एस निर्माण सेवा प्रालिलाई छनोट गरिएको छ । यसका लागि रु तीन करोड ३९ लाख ५२ हजार नौ बजेट स्वीकृत भएको छ ।
देवता घर (द्योछें) पुनःनिर्माणका लागि धर्म एस÷गौरी गणेश जेभीको प्रस्ताव स्वीकृत भएको छ । देवता घर पुनःनिर्माणका लागि रु दुई करोड १५ लाख ३० हजार ४०५ बजेट विनियोजन गरिएको छ ।
किराँतेश्वर सत्तल संरक्षण तथा पुनःनिर्माण गर्न प्रेरा÷गौरी गणेश जेभीलाई जिम्मेवारी दिइएको कोषका सदस्य सचिव डा प्रदीप ढकालले राससलाई जानकारी दिनुभयो । सत्तल संरक्षण तथा पुनःनिर्माणका लागि रु तीन करोड ९४ लाख ५० हजार ४५६ बजेट स्वीकृत गरिएको उहाँले जानकारी दिनुभयो ।
यसैगरी इँटापाखामा प्रस्तर फलक छाप्न सिएम÷तुल्सी जेभीले ठेक्का पाएको छ । यसका लागि रु दुई करोड २४ लाख १५ हजार ६८६ बजेट विनियोजन गरिएको छ ।
निर्माण व्यवसायीले मूल्य अभिवृद्धि करसहित कबोल गरेको रकमका आधारमा ठेक्का दिइएको कोषले जनाएको छ ।
क्याटेगोरी : समाचार
ट्याग : #hot, #पशुपतिका आयोजना
धेरै पढिएका
- १नागार्जुन नगरपालिकामा ७ जनामा कोरोना पोजेटिभ
- २तारकेश्वरमा प्लटिङ्गको बिवाद हुँदा ९६ बर्षिय वृद्धको टाउको फुट्यो , स्थानियलाई ज्यान मार्ने धम्की
- ३गोंगबुको गणेशस्थान नजिक सुटकेसभित्र टाउको विनाको शव फेला ,टाउको भने तीन सय मिटर टाढा
- ४नेपालटारमा कोरोना संक्रमित ४८ वर्षीय पुरुषको मृत्यु
- ५काभ्रेस्थलीमा एकै परिवारमा ४ जनामा कोरोना पुष्टी ,घर तथा चर्च शिल
- ६मनमैजुमा ३० वर्षिए एक महिला फेसबुक लाइभमा आएर आत्महत्या
- ७मध्यराती साङ्गला प्रहरीले बरामत गरेको राँगा घर धनिलाई हस्तान्तरण
- ८नेपालटारबाट विष्फोटक पदार्थ सहित युवा पक्राउ
तपाईको कमेन्ट लेख्नुहोस्