Techie IT
शनिबार, मंसीर २०,२०७७

तारकेश्वर साङ्गलामा प्रहरीद्धारा गाँजा फडानी (भिडियो सहित )


राधेश्याम तिमलसिना (पुकार)

काठमाडौं । तारकेश्वर नगरपालिका आन्तर्गत  उपल्लो गाउँ, ढकाल चौर, कुन्चीप्वाकल र देवकोटा टोल लगायत क्षेत्रमा गाँजा फडानी गरिएको छ । महानगरीय प्रहरी बृत बालाजु र तानपा वडा नं १ को कार्यालये संयुत रुपमा आयोजना गरेको गाँजा फडानी कार्यमा बालाजु बृतका प्रहरी एवं स्थानीय बासीहरुले पनि साथ दिए ।

बिशेषगरी नगरपालिकाको माथिल्लो भेगको पाखाहरुमा गाँजाको बोट झाँगिदै झाडीकै रुप लिन थालेपछि गाँजा उत्पादनमा रोक लगाउने अभियानको थालनी गरिएको वाडा अध्यक्ष बिदुर सापकोटाले बताए ।

सोही नगरपालिकाको साङ्लास्थित तीन वर्षअघि नै केही व्यक्तिहरुको समुहले गाँजा फडानी अभियान सुरु गरेको थियो । स्थानीय तहका जनप्रतिनिधिको पहल र प्रहरीको सहयोगमा अहिले सोही अभियानलाई निरन्तरता बताइएको छ ।

 

महानगरीय प्रहरी बृत बालाजुका डिएसपी चिरञ्जिवी कोइरालाका अनुसार लागु औषध नियन्त्रण तथा उन्मूलनका लागि नेपाल प्रहरीको टोलीले तारकेश्वर नगरपालिकाभित्र झाँगिएका गाँजा फडानी गर्ने अभियानका साथ सुरु गरेको हो ।

गाँजा फडानी सँगै स्थानीय क्षेत्रमा लागु औषध सेवन गर्नेहरुको कमी हुने कोइरालाको धारण छ । बालाजु प्रहरी बृतले गाँजासंगै घरेलु मदिराको नियन्त्रण ,अबैध बालुवा उत्खननमा नियन्त्रण, चोरी डकैती लगायत शान्ति सुरक्षामा विशेष अभियान चलाएको बालाजुका डिएसपी चिरञ्जिवी कोइरालाले बताए ।

तस्वीर : मोहन अधिकारी

 

भिडियो

 


क्याटेगोरी : समाचार
ट्याग : #hot, #तारकेश्वर साङ्गला


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545