Techie IT
मंगलबार, चैत्र ३१,२०७७

पैदलयात्रीलाइ ठक्कर दिएर फरार ट्रक र चालक प्रहरी नियन्त्रणमा


चितवन । पैदलयात्रीलाइ ठक्कर दिएर फरार रहेका ट्रक र त्यसका चालकलाई चितवन प्रहरीले आठ दिनपछि हिजो (सोमबार) पक्राउ गरेको छ ।

गत, फागुन ९ गते बिहान साँढे तीन बजे खैरहनी नगरपालिका वडा नंम्बर १ मा कालिका नगरपालिका वडा नंम्बर ३ पदमपुर बस्ने ४० बर्षिया (पैदलयात्री) कुल बहादुर मोक्तानलाई ठक्कर दिएको थियो ।

ट्रकको ठक्करबाट मोक्तानको घट्नास्थलमै मृत्यु भएपछि फरार रहेका ना ६ ख २९०९ नंम्बरको ट्रक र त्यसका चालक राप्ती नगरपालिका वडा नंम्बर १ बस्ने ३० बर्षिया गणेश बहादुर तामाङलाई चितवन प्रहरीले खैरहनी नगरपालिका ८ पर्सा बजारबाट पक्राउ गरिएको जिल्ला प्रहरी कार्यालय चितवनका प्रहरी प्रमुख (एसपी) ओम प्रसाद अधिकारीले जानकारी दिए ।

पक्राउ परेका तामाङले दुर्घटना आफुले गराएको भनी स्वीकार गरेसंगै उनलाई आज (मंगलबार) सम्मानित चितवन जिल्ला अदालतबाट ७ दिनको म्याद थप गरी अनुसन्धान गर्ने कार्य भईरहेको जनाइएको छ ।


क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार, स्थानीय


तपाईको कमेन्ट लेख्नुहोस्