Techie IT
शुक्रबार, वैशाख १०,२०७८

दुर्लभमाथि भएको आक्रमणको अनेरास्ववियुद्वारा भत्सर्ना, दोषीलाई पक्राउ गर्न चितवन प्रहरीलाई २४ घण्टा अल्टिमेटम


चितवन । नेपाल कम्युनिष्ट पार्टी (नेकपा) का प्रचण्ड–नेपाल समूह निकट विद्यार्थी संगठन अखिल नेपाल स्वतन्त्र विद्यार्थी युनियन चितवनले आफ्ना केन्द्रीय सदस्य दुर्लभ शाहीमाथि भएको आक्रमणको भर्त्सना गरेको छ ।

युनियनका सह-संयोजक बसन्त आचार्यले आज (सोमबार) एक विज्ञप्ती जारी गर्दै शाहीमाथि भएको आक्रमणको घटना प्रति भर्त्सना गरेका हुन् ।

घट्ना घटेको तीन दिन बितिसएक्दा समेत चितवन प्रहरीले दोषीलाई पक्राउ गर्न नसकेको भन्दै अनेरास्ववियु चितवनले आफ्नु गम्भीर ध्यानाकर्षण भएको जनाएको छ । साथै, उसले घटनाका दोषी लाई २४ घण्टा भित्र पक्राउ गरी कारबाही गर्न पनि माग गरेको छ । अनेरास्ववियु चितवनले २४ घण्टा भित्र दोषीलाइ पक्राउ नगरे चरणवद्ध आन्दोलन गर्ने चेतावनी पनि दिएको छ ।

अनेरास्ववियुका केन्द्रीय सदस्य शाहीमाथि गत, फागुन १४ गते (शुक्रबार) राती साँढे १० बजेको समयमा इच्छाकामना गाउँपालिका ७ स्थित आफ्नै घरमा सुतिरहेको समयमा आक्रमण भएको थियो । आक्रमणमा सोही गाउँपालिकाका मिलन गुरुङको नेतृत्वमा आएका २०/२५ जनाको समूहले घेरा हाली ढुंगा, मुढा सहित सांघातिक आक्रमण गरेको आरोप अनेरास्ववियुको छ । उनीमाथि घरेलु हात हतियारबाट आक्रमण भएको जनाइएको छ । उनको अहिले पुरानो मेडिकल कलेजमा उपचार भइरहेको छ ।


क्याटेगोरी : अपराध/सुरक्षा, ब्रेकिंग न्युज, विशेष, देश परदेश, समाचार


तपाईको कमेन्ट लेख्नुहोस्