नुवाकोट तारकेश्वर १ मा नेकपाको अगुवा कार्यकर्ता भेला

साझा पाना २०७७ पुस १८ गते १६:४३ मा प्रकाशित

नेकपा प्रचण्ड माधव समूहले नुवाकोट तारकेश्वर १ मा आज शनिबारब अगुवा कार्यकर्ता भेला आयोजना गरेको छ ।

उक्त भेलामा प्रचण्ड(माधव समूहका जिल्ला सचिवालय सदस्य समर मगर तथा जिल्ला वैकल्पिक जिल्ला सदस्य तारा देबी रिमाल एवं कार्यकर्ताहरुको सहभागिता रहेको सोम तामाङ्गले बताए ।

भेलालाई सम्बोधन गर्दै प्रचण्ड(माधव समूहका नेताहरुले प्रधानमन्त्री केपी शर्मा ओलीले संवैधानिक ‘कू’ गरेको आरोप लगाए । आफूहरुको लडाइँ कुनै व्यक्ति विशेषकाविरुद्ध नभई प्रवृत्तिकाविरुद्ध भएको उनको भनाइ थियो । संसद विघटनको विरोधमा पार्टीले गरिरहेको आन्दोलनमा सक्रियतापूर्वक सहभागिता जनाउन कार्यकर्ताहरुलाई निर्देशन दिए ।

जिल्लामा आफ्नो नेतृत्वको पक्षमा पकड बढाउन गरिएको यो भेलालाई अर्थपूर्ण रुपमा हेरिएको छ।