Techie IT
सोमबार, चैत्र ३०,२०७७

सामुदायिक प्रहरीको आयोजनामा जनचेतनामूलक वृहद साईकल र्‍याली हुने


चितवन । चितवनमा भोली (सोमबार) सामुदायिक प्रहरीको आयोजनामा साइकल र्‍याली हुने भएको छ ।

प्रत्यक महिना एक सय स्थानमा एक सय साझेदारी कार्यक्रम सञ्चालन र प्रत्यक एक घरमा एक साझेदार निर्माण गर्ने लक्ष्य सहित समुदाय प्रहरी साझेदारी कम्युनिटी पुलिस पार्टनरशीप (सिपिपी) अन्तर्गत भोली (सोमवार) जनचेतनामूलक वृहद साईकल र्‍यालीको आयोजना हुने भएको जिल्ला प्रहरी कार्यालय चितवनले जनाएको छ ।

साईकल र्‍यालीमा सहभागी हुनेले स्यानिटाइजरको प्रयोग गरी मास्क लगाएर मात्र सहभागी हुनुपर्ने चितवन प्रहरीले जनाएको छ । प्रहरीका अनुसार बिहान साँढे ७ बजे जिल्ला प्रहरी कार्यालय चितवनवाट सुरु हुने उक्त र्‍याली चौबीसकोठी, पिपल चोक यज्ञपुरी, धर्मचोक, शहिदचोक, पुल्चोक, पोखरा बसपार्क, आँपटारी, मालपोत चोक हुँदै पुन: जिल्ला प्रहरी कार्यालयको परिसरमा आएर टुंगिने जनाईएको छ । र्‍यालीमा मातहतका प्रहरीका तर्फबाट सिनियर प्रहरी अधिकृतहरुको मात्रै सहभागीता रहने जनाइएको छ ।


क्याटेगोरी : अपराध/सुरक्षा, विशेष, देश परदेश, समाचार
ट्याग : ##साइकल_र्‍याली #सामुदायिक_प्रहरी #चितवन


तपाईको कमेन्ट लेख्नुहोस्