Techie IT
सोमबार, कात्तिक १,२०७८

१८ केजी लागूऔषध सहित राक्सिराङका २ जना चितवनबाट पक्राउ


चितवन । चितवनमा अवैध लागूऔषध सहित २ जना पक्राउ परेका छन् । इलाका प्रहरी कार्यालय भण्डाराले आज (शुक्रबार) बिहान साँढे सात बजे राप्ती नगरपालिका वडा नंम्बर ४ स्थित झरना जाने सडकबाट १८ केजी अवैध लागूऔषध सहित २ जनालाई पक्राउ गरेको हो ।

पक्राउ पर्नेहरुमा मकवानपुर राक्सिराङ्ग ७ गर्लिङ्ग बस्ने ३५ बर्षीया रामकृष्ण प्रजा र उनका छोरा रहेको चितवन प्रहरीले जनाएको छ । प्रहरीका अनुसार चेकजाँचका क्रममा उनीहरुको साथमा रहेको कालो झोलामा अवैध लागूऔषध (गाँजा) भेटिएको हो । पक्राउ परेका मध्य निजको छोरा अन्दाजी १२/१३ बर्षको रहेकोले उनको नाम भने प्रहरीले गोप्य राखेको छ । पक्राउ परेका दुबैलाई थप अनुसन्धान र आवश्यक कार्वाहीका लागी अहिले इलाका प्रहरी कार्यालय खैरहनीमा राखिएको प्रहरीले जनाएको छ । आज शुक्रबार पक्राउ परेको र भोलि शनिबार रहेकोले अब आइतबार मात्रै उनीहरुलाइ अदालतमा उपस्थित गराउने तयारी प्रहरीको छ ।

चितवनमा प्रहरी प्रमुखको नेतृत्व सम्हालेका (एसपी) नान्तीराज गुरुङ पछिल्लोपटक लागूऔषध गाँजा कारोबारी तथा ओसारपसार बिरुद्व निक्कै आक्रमक देखिएका छन् । उनले यस्ता गतिबिधी गर्नेहरुप्रति कठोर कदम चाल्न मातहतका प्रहरी इकाइहरुलाइ निर्देशन दिएसँगै पछिल्लोपटक यहाँका प्रहरीहरुले पनि आफ्नु सक्रियतालाइ बढाउँदै गएको छ ।


क्याटेगोरी : अपराध/सुरक्षा, विशेष, देश परदेश, समाचार


तपाईको कमेन्ट लेख्नुहोस्


थप समाचार