Techie IT
बिहीबार, मंसीर ११,२०७७

माडीका प्रहरी प्रमुख झलकको एक्सन : ५७ हजार रुपैयाँँ नगद सहित ७ जना जुवाडे पक्राउ


चितवन । माडी प्रहरीले जुवातास खेलिरहेको अवस्थामा सात जनालाई पक्राउ गरेको छ । विशेष सुचनाको आधारमा इलाका प्रहरी कार्यालय माडीबाट प्रहरी निरीक्षक झलक शर्माको कमाण्डमा खटिएको प्रहरीको विशेष टोलीले हिजो (बिहिबार) दिउँसो साँढे १२ बजे माडी नगरपालिका ३ ईनारबरुवा गाउँबाट जुवातास खेलिरहेको अवस्थामा उनीहरुलाई पक्राउ गरेको हो ।

पक्राउ पर्नेहरुको साथबाट प्रहरीले ५७ हजार ७७५ रुपैयाँ नगद समेत बरामद गरेको छ । स्रोतका अनुसार पक्राउ परेकाहरु सबै माडी नगरपालिकाका स्थानीय पुरुषहरु हुन् । उनीहरुलाई आवश्यक कार्वाहीका लागी माडी प्रहरीले आज बिहान ७:३० बजे जिल्ला प्रहरी कार्यालयमा ल्याईएको छ । पक्राउ परेकाहरुमाथि प्रचलित कानुनी व्यवस्था अनुसार कारवाही सुरु भइसकेको स्रोतले जनाएको छ ।

यसअघि पनि माडी प्रहरीले यहाँको विभिन्न स्थानहरुबाट जुवा खेल्ने र खेलाउने कार्यमा संलग्न झन्डै १२ जना जुवाडेहरुलाई पक्राउ गरि कारवाही प्रक्रियालाइ अगाडि बढाएको थियो । यता, चितवन प्रहरीले समेत चाडपर्वको नाउँमा लुकिछिपी जुवातास, खडखडे (लङ्गुर बुर्जा), कौडा खेल्ने/ खेलाउने कार्य नगर्न साथै, यस्तो कहिं कतै भएको पाइए तत्कालै नजीकैको प्रहरीलाई सुचना दिएर जानकारी गराउन समेत अपिल गर्दै आएको छ ।


क्याटेगोरी : अपराध/सुरक्षा, विशेष, देश परदेश, समाचार
ट्याग : ##चितवन #माडी #जुवा #झलकशर्मा


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545