Techie IT
शुक्रबार, कात्तिक ७,२०७७

काठमाडौं उपत्यकालगायत संक्रमणको उच्च जोखिममा भएका जिल्लाहरूमा थप कडाइ गर्ने सरकारको तयारी


काठमाडौं, २८ असोज । सरकारले काठमाडौं उपत्यकालगायत संक्रमणको उच्च जोखिममा भएका जिल्लाहरूमा थप कडाइ गर्ने तयारी गरेको छ ।

स्वास्थ्य तथा जनसंख्या मन्त्रालयलगायत सरकारकै निकायहरूले काठमाडौं उपत्यकामा जोखिम बढेको भन्दै लकडाउनकै विकल्प अँगाल्न सुझाव समेत दिएका छन् ।

कोरोना क्राइसिस म्यानेजमेन्ट सेन्टर (सीसीएमसी) ले जिल्ला कोरोना संकट व्यवस्थापन केन्द्र (डीसीसीएमसी) ले नै आवश्यक निर्णय लिन सक्नेगरी प्रस्ताव तयार पारी स्वीकृत गराएको प्रधानमन्त्री कार्यालयले बताएको छ । यद्यपि उक्त निर्णय सार्वजनिक भने भइसकेको छैन ।

त्यस्तो निर्णयले सङ्क्रमणको जोखिम उच्च भएको ठाउँमा जिल्लाको डीसीसीएमसीमा स्थितिको विश्लेषण गरेर आवश्यक काम गर्न सहजता प्रदान गर्दछ ।

तलबाट आएका सुझावलाई दृष्टिगत गरेर सरकारले आजभोलि नै अथवा कात्तिक १ गतेबाट लागू गर्न सक्ने बताइएको छ ।

महान चाड दशैं नजिकिएसँगै आम सर्वसाधारणमा कोरोनाको तीव्र संक्रमण तथा सरकारले लिने भावी कदम के हुने भन्ने चिन्ता छ । यही चिन्ताले उनीहरुले दशैं कसरी र कहाँ मनाउने भन्ने निर्णय समेत लिन सकेका छैनन् ।


क्याटेगोरी : समाचार
ट्याग : #breaking, #थप कडाइ


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!