Techie IT
मंगलबार, असोज १३,२०७७

खाँदबारी आईसोलेसन तोडफोडका दुई आरोपीमा पनि देखियो कोरोना


खाँदबारी । केहि दिन अघि हिमालय किरण पब्लिक क्याम्पसमा बनाईएको आईसोलेसन तोडफोडको आरोपी मध्ये २ जनामा कोरोना संक्रमण भएको पाईएको छ । तोडफोडमा संलग्न रहेको आरोपमा पक्राउ भई हिरासतमा रहेको बर्ष ६० र ६२ का दुई पुरुषमा कोरोना भाईरसको संक्रमण पुष्टि भएको हो ।
बिपि कोईराला स्वास्थ्य विज्ञान प्रतिष्ठान धरानमा गरिएको परिक्षणमा दुई जनाको रिपोर्ट पोजेटिभ आएको हो । जिल्ला प्रहरी कार्यालय संखुवासभाका प्रमुख नवराज पन्तका अनुसार उनीहरु एक समुह ८२ घण्टादेखि र अर्को समुह ४१ घण्टादेखि हिरासतमा रहदै आएका छन् । उनीहरुलाई हिरासतमा रहदै संक्रमण भएको वा बाहिर नै संक्रमण भएको भन्ने यकिन नभएको जिल्ला स्वास्थ्य कार्यालयका प्रबक्ता रोषन श्रेष्ठले बताउनुभयो ।
उनीहरु बाहिर रहँदै संक्रमण भईसकेको पनि हुनसक्ने बताउनुहँदै समुदाय स्तरमा पनि कोरोना भाईरस फैलिएको हुन सक्ने प्रबक्ता श्रेष्ठले बताउनुभयो । समुदाय स्तरमा कोरोना हुन सक्ने भएकोले घरमै रहन, अत्यावश्यक काममा बाहिर निस्कदा अनिबार्य मास्कको प्रयोग गर्न स्वास्थ्य कार्यालय संखुवासभाले विज्ञप्ती मार्फत अनुरोध गरेको छ । हिरासतमा रहदै आएका दुईजनामा पनि हिजो कोरोना पोजेटिभ भेटिएको थियो ।

क्याटेगोरी : ब्रेकिंग न्युज, समाचार
ट्याग : #breaking, #corona update, #hot, #कोरोना पुष्टि, #कोरोना भाइरस, #कोरोना संक्रमण, #कोरोना संक्रमित


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!