Techie IT
शनिबार, कात्तिक १५,२०७७

हेल्पिङ ह्याण्ड्स सामुदायिक अस्पताललाई पुन: संचालनमा ल्याई आईसोलेसन बनाउन माग


हरि तिमिल्सिना

तारकेश्वर नगरपालिका भित्र कोरोना भाइरस संक्रमित बिरामी बढ्न थालेसँगै नगर कार्यपालिकाले सम्भावित संक्रमण फैलनबाट रोक्न आइसोलेसन बनाउने तयारी गरेको छ । तर आइसोलेसन बनाउने भनेर अघिल्लो साता नै तयारी गरेपनि नगरपालिकाले सकेको थिएन । यसअघि नगरपालिकाले वडा नं १ सांङ्लामा अवस्थित प्राथमिक स्वास्थ्य केन्द्रको भवनलाई आइसोलेसन बनाउने बताएको थियो ।

त्यो सँगै हाल आएर नगरपालिकाले आठमहेलमा रहेका होटलहरुलाई आइसोलेसन बनाउने तयारी गरेको हो । संक्रमितको संख्या बढेसँगै तिनलाई व्यवस्थापन गर्न तत्कालका लागि होटलहरुमा पनि कुरा भैरहेको मेयर रामेश्वर बोहराले जानकारी दिए। तर यो कुरा आए सँगै तारकेश्वरका सामाजिक अभियन्त, स्थानीयहरुको माग भने बेग्लै छ।

उनिहरुले होटलहरुको साटो तारकेश्वर नग रपालिका वडा नं ६ मा रहेको हेल्पिङ ह्याण्ड्स सामुदायिक अस्पताललाई पुन: संचालनमा ल्याई आईसोलेसन बनाउन माग गरेका छन्। सामाजिक संजालमा आफ्नो धारणा राख्दै सामाजिक अभियन्ता हरि तिमिल्सिना लेख्नुहुन्छ ; `तारकेश्वर नगरपालिकाका मेयर रामेश्वर बोहरा यतिबेला कोरोना संक्रमितहरुलाई आईसोलेसन बनाउन होटलहरु खोज्दै हुनुन्छ भन्ने समाचार पढियो, तर २०७० सालमा सामुदायिक अस्पतालको रुपमा स्थापना भएको यो भवन माथि वहाँको नजर नपरेको देख्दा दु:ख लाग्यो।

हाल यो अस्पतालमा वडा कार्यलय बसेको छ, वडा कार्यलयले आफ्नो बेग्लै भवन बनाउनुको साटो जनताको सामुहिकताबाट बनेको अस्पतालमा डेरा जमाएर बसेको छ। यो अस्पताल माथि वडा कार्यलयले गरेको अतिक्रमणलाई हटाएर यसलाई पुनः संचालनमा ल्याएर जनतालाई यो कोरोना कहरमा सुविधा दिनुहुन हामी विनम्र अनुरोध गर्दछौं।

होटल भन्दा यो अस्पताल संचालन गर्न सस्तो पनि हुने हुनाले ध्यानाकर्षण पनि गराउदछौं।´


क्याटेगोरी : समाचार
ट्याग : #हेल्पिङ ह्याण्ड्स सामुदायिक अस्पताल


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!