Techie IT
बुधबार, असोज ७,२०७७

कोरोना भाइरस विरुद्धको सतर्कता अभियानका लागी टोखाका युवा क्लब सक्रिय


टोखा नगरपालिका ३ न वडाको स्थित श्री टोखा यूवा क्लवले शुक्रबार कोभिड १९ कोरोना भाइरस विरुद्धको सतर्कता अभियान थालेको छ। टोखा यूवा क्लवले आयोजना गरेको कोभिड १९ कोरोना भाइरस विरुद्धको सतर्कता अभियानमा प्रमुख अथिति टोखा नगरपालिका वडा नम्बर ३ का वडाध्यक्ष सिंह राज श्रेष्ठ, क्लबका अध्यक्ष राम राज श्रेष्ठ, टी गु्रप का संयोजक पंञ्च नारायण डंगोल , क्लबका महिला अध्यक्ष शान्ति श्रेष्ठ र क्लबका पदाधिकारीहरु र पत्रकार लगायतको उपस्तिथि रहेको उक्त कार्यक्रममा प्रमुख अतिथि वडाध्यक्ष सिंहराज श्रेष्ठले मन्तव्य राख्नु भएको थियो।

कोरोना भाईरसको महामारीका समयमा सबै एकजुट भएर सामना गर्नुपर्ने र यसमा युवा भुमिका रहने साथै यस कोरोना भाइरसको महामारी बाट बच्न नियम पालना गरि घर भित्र बसि सुरक्षित र अवलम्बन गर्नुपर्ने कर्तव्यका बारेमा जनताहरु सतर्क भै दिनुहुन सबै टोखावासी र वडावासीहरुमा उहाँले आग्रह गर्नु भयो।

कोभिड १९ कोरोना भाइरस विरुद्ध सतर्कता अभियान कार्यक्रम अब टोखा नगरपालिकासंग समन्वय गरि टोखाको प्रत्येक वडाहरुको टोलटोलमा चोकचोकमा टोखा यूवा क्लवले सतर्कता अभियान संचालन गर्ने बारे क्लबका अध्यक्ष रामराज श्रेष्ठले बताए । हाल उक्त अभियानका लागी टोखाको बाम्फल टोल, मुल गेट, गणेशस्थान र थने लाछीमा ह्यान्ड स्यानिटाईजर राख्ने कार्यक्रम गर्ने बताएका छन्। यसका साथै कार्यक्रममा क्ल्बका सम्पुर्ण पदाधिकारीहरु र पत्रकार लगायत प्रत्येकलाई चालिस थान माक्स र एउटा ह्यान्ड सेनिटाजर प्रदान गरिएको थियो ।


क्याटेगोरी : समाचार
ट्याग : #tokha municipality


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!