Techie IT
बिहीबार, साउन २२,२०७७

फेरी होला त लकडाउन ? यस्तो छ सरकारको तयारी


पछिल्लो समय उपत्यकामा दैनिक ५० जना हाराहारीमा संक्रमित देखिन थालेपछि काठमाण्डु उपत्यकामा फेरि लकडाउन गर्ने कि भन्नेबारे छलफल सुरु भएको छ ।

सरकारले गत ११ चैतदेखि घोषणा गरेको लकडाउन साउनको ६ बाट अन्त्य भएको थियो । हाल बजार, छोटो दूरीका सार्वजनिक यातायात, उद्योग, कलकारखाना र सरकारी कार्यालय , होटेल रेस्टुरेन्ट खुलेका छन् ।लकडाउन खुलेपछि मानिसहरु दैनिक काममा जाने, सवारी साधनको प्रयोग धेरै भएको त्यसबाट संक्रमण झन बढन सक्ने भएको आंकलन गरिएको छ।

 

महामारीको जोखिम समुदायस्तरमा देखिन थालेपछि थप कडाईका साथ लकडाउनलाई उच्च संक्रमित क्षेत्रमा मात्र अथवा कहाँ कस्तो किसिम लकडाउन फेरि गर्ने भन्नेबारे सुझावहरु पनि आउन थालेको प्रधानमन्त्री कार्यालय र कोभिड–१९ संकट व्यवस्थापन केन्द्रका एक मन्त्रीले बताएका छन।

गृह मन्त्रालयले बिहीबार एक सूचना प्रकाशित गर्दै रातिको समयमा हुने काठमाण्डु प्रवेशमा रोक लगाइएको जनाएको थियो । हाल उपत्यका प्रवेश गर्ने प्रमुख नाकामा पीसीआर परीक्षण थालिएको छ ।


क्याटेगोरी : समाचार
ट्याग : #hot


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545