Techie IT
मंगलबार, कात्तिक २,२०७८

टीभी छोडेको वर्षौ बित्दा पनि तलब नपाएपछि एभिन्यूजको पूर्वकर्मचारी आन्दोलित


एभिन्यूज खबर टेलिभिजन स्थापनाकालदेखि नै कर्मचारीलाई पारिश्रामिक दिने विषयमा बदनाम हुँदै आएको टेलिभिजन हो । जुन टेलिभिजनले जागिर छोडेर जानेहरुलाई पनि पारिश्रमिकको विषयमा सधै लफडा गर्दै आइरहेको छ । टेलिभिजन छोडेका कतिपयले ५/६ वर्ष बित्दा पनि आफुले पाउनु पर्ने बक्यौता रकम पाउन सकेका छैनन् ।

तर यसपटक भने टेलिभिजन छोडेका पूर्वकर्मचारी संगठित भई आफुले पाउनु पर्ने पारिश्रमिक जसरी पनि लिने भन्दै नेपाल पत्रकार महासंघ पुगेका छन् । आज विहानै भृकुटीमण्डपमा भेला भई उनीहरुले आफुले पाउन बाँकी तलब उल्लेख गर्दै हस्ताक्षर सहित महासंघमा उजुरी गरे । एभिन्यूज छोडेका करिब डेढ दर्जनले आफुहरुले काम छोडेको लामो समय बित्दा पनि पारिश्रमिक पाउन नसकेको गुनासो गरे । एभिन्यूज प्रशासनमा पारिश्रमिकका लागी फोन गर्दा कहिले के भनेर झुलाउने, कहिले थर्काउने गरेको उनीहरुको भनाइ छ ।

आज पारिश्रमिक माग गर्दै हस्ताक्षर गर्नेमा टेलिभिजन छोडेको २ वर्षदेखि ६ महिना समय बिति सकेकासम्म छन् । आफुहरुले दिएको समयसीमा भित्र पारिश्रमिक नपाए आन्दोलनका थप कार्यक्रम गर्ने उनीहरुले बताए ।


क्याटेगोरी : समाचार
ट्याग : #एभिन्यूजको पूर्वकर्मचारी आन्दोलित


तपाईको कमेन्ट लेख्नुहोस्