Techie IT
बिहीबार, साउन २२,२०७७

संखुवासभाका भूकम्प पीडितलाई निशुल्क जग्गा


राष्टिय पुन निर्माण प्राधिकरणले संखुवासभा सिलिचोङ्ग गाउँपालिका ३ खोप्नेका १३ भूकम्प पीडित परिवारलाई साढे १८ रोपनी जग्गा निशुल्क उपलव्ध गराएको छ । उक्त जग्गा जिल्ला आयोजना कार्यान्वयन ईकाईले खरिद गरेर पीडित परिवारलाई लालपुर्जा हस्तान्तरण गरेको छ । सदरमुकाम खाँदबारीमा आज आयोजित कार्यक्रममा प्रदेश सांसद तुलसीप्रसाद न्यौपाने र जिल्ला समन्वय समितिका प्रमुख सुमन शाक्यले पीडित परिवारलाई लालपुर्जा हस्तान्तरण गर्नु भयो ।

राष्टिय पुननिर्माण प्राधिकरणले भूकम्पबाट जग्गा जमिन गुमाएकालाई निशुल्क जग्गा उपलव्ध गराएपछि पीडितहरु खुसी भएका छन् ।

१३ परिवारलाई एकीकृत बस्तीको रुपमा व्यवस्थापन गरेको छ । प्राधिकरणले ती परिवारका लागि सडक, पानी, विजुलीको पनि उपलव्ध गराउने भएको छ । पीडित परिवारलाई दिईएको जग्गा १० बर्षसम्म बिक्रि वितरण नहुने गरी मालपोत कार्यालयमा रोक्का राखिने जिल्ला आयोजना कार्यान्वयन ईकाई संखुवासभाका प्रमुख नबीन देबले बताउनु भयो ।


क्याटेगोरी : समाचार


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545