Techie IT
बिहीबार, कात्तिक ४,२०७८

संखुवासभामा पनि कांग्रेसले बुझायो ज्ञापन पत्र


नेपाली कांग्रेस जिल्ला कार्य समिति संखुवासभाद्वारा आज प्रमुख जिल्ला अधिकारी मार्फत सम्माननीय प्रधानमन्त्री केपी शर्मालाई १२ बुँदे ज्ञापन पत्र हस्तान्तरण गरिएको छ ।

जिल्ला सभापति दीपनकुमार श्रेष्ठद्धारा जारी ज्ञापनपत्रमा कोभिड १९ सँग सम्बन्धित रहेर जोखिम न्यूनिकरणमा तत्कालिन एवं दीर्घकालिन नकारात्मक प्रभाव पार्ने विपदबाट उत्पन्न समस्यालाई न्यूनिकरण गर्न सुझाव दिईएको छ । सरकारले लकडाउन लाई प्रभावकारी उपयोग गरेर राष्ट्रिय विपत्तिमा स्वास्थ्य सामग्री खरिदमा पारदर्शिता गराउँदै स्वास्थ्यकर्मी, सुरक्षाकर्मी, सञ्चारकर्मीलाई समेत विशेष सुरक्षा अपनाएर अगाडि बढ्न सुझाब दिईएकोे छ ।

त्यस्तै गरी ७७ वटै जिल्लामा पीसिआर टेष्ट स्थापना गर्न, दक्ष स्वास्थ्यकर्मीको व्यवस्थापन गर्न सुझाउँदै ज्ञापन पत्र बुझाएको संखुवासभा जिल्लाका प्रमुख जिल्ला अधिकारी जीवन आचार्यले जानकारी गराउनु भयो । नेपाली कांग्रेस संखुवासभाका जिल्ला स्तरीय नेता तथा कार्यकर्ताहरुको उल्लेख्य उपस्थितिमा सामाजिक दुरी कायम गर्दै प्रजिअ मार्फत ज्ञापनपत्र बुझाइएको थियो ।


क्याटेगोरी : समाचार


तपाईको कमेन्ट लेख्नुहोस्