Techie IT
शनिबार, कात्तिक ८,२०७७

आइतबार एकैदिन काेराेना पुष्टि भएका १६६ जना कहाँका हुन् ?


 नेपालमा आइतबार एकैदिन एक सय ६६ जनामा काेराेना भाइरसकाे सङ्क्रमण देखिएकाे छ । योसँगै सङ्क्रमितको सङ्ख्या एक हजार पाँच सय ६७ पुगेको छ ।

पछिल्लो २४ घण्टामा प्रादेशिक प्रयोगशाला पोखरामा गरिएकाे परीक्षणमा तनहुँ रिसिङका एक र स्याङ्जा गल्याङका दुई जनामा सङ्क्रमण देखिएको छ ।

नारायणी अस्पताल वीरगञ्जमा गरिएकाे परीक्षणमा पर्सा पटेर्वा सुगौलीका पाँच जना, कर्णाली स्वास्थ्य विज्ञान प्रतिष्ठान जुम्लामा गरिएको परीक्षणमा ३७ जनामा कोरोना पुष्टि भएको छ । जसमध्ये १३ जना कालीकोटको शुभकालिकाका रहेका छन् ।

कालीकोटकै महवी गाउँपालिकाका पाँच जना, दैलेख दुल्लु, रातापानी र साधुकाका एक/एक जना, नारायण नगरपालिकाका नाै जना, दैलेखकै देवलकानका पाँच जना र बाजुराका जुजनाथका एक जना रहेका छन् ।

सुर्खेतमा गरिएको परीक्षणमा २६ जनामा सङ्क्रमण देखिएकोमा सल्यान कुपिन्डेका २५ जना र सुर्खेतका एक जना छन् । धुलिखेलमा भएको परीक्षणमा कपिलवस्तुका एक जनामा कोरोना देखिएको छ ।

भेरी अस्पतालमा गरिएकाे परीक्षणमा बाँकेको नरैनापुरका दुई जना, खजुराका एक जना, नेपालगञ्जका चार जना र बैजनाथका एक जना गरी आठ जनामा काेराेना सङ्क्रमण देखिएको छ ।

धरानमा गरिएको परीक्षणमा सप्तरी राजगढका १२ जनामा कोरोना देखिएको छ । सेती प्रादेशिक अस्पतालमा भएको परीक्षणमा कैलाली भजनीका एक जना, जानकीका एक जना, त्रिनगरका एक जना र बाजुराका दुई जनासहित पाँच जनामा कोरोना देखिएको छ ।

कोशी अस्पतालमा गरिएको परीक्षणमा झापा गौरीगञ्जका चार र विराटनगरका एक गरी पाँच जनामा कोरोना देखिएको छ । राष्ट्रिय जनस्वास्थ्य प्रयोगशालामा भएको परीक्षणमा ६४ जनामा कोरोना पुष्टि भएको छ । यीमध्ये धनुषाको मुखियापट्टी क्वरेण्टीनमा रहेका २१ जना, कपिलवस्तु महाराजगञ्जका चार जना, रौतहटको क्वरेण्टीनमा रहेका २९ जना  र सर्लाहीका १० जना रहेका छन् ।


क्याटेगोरी : समाचार


तपाईको कमेन्ट लेख्नुहोस्


Kathmandu
24°
Mostly Cloudy
05:1419:03 +0545
error: कपि गर्न सख्त मनाही छ !!