समाजसेवी सुमित्राले मनाइन असहायसङ्गै जन्मदिन

साझा पाना २०७५ फागुन २६ गते ०३:१५ मा प्रकाशित

मानसिक समस्याबाट प्रभावित तथा असहाय महिला तथा बालबालिकाहरुसङ्ग समाजसेवी सुमित्रा थापाले जन्मदिन मनाउनुभएको छ ।

नेकपा निकट युवा संघ नेपालकी नेतृ तथा महिलाहरुको आवाज नामक सामाजिक सस्थाको अध्यक्ष समेत रहनुभएकी समाजसेवी सुमित्रा थापाले ललितपुर कुसुन्तीस्थित नेपाल स्नेही काखको आश्रममा रहेका २९ महिला तथा ७ बालबालिकासङ्ग सङ्गै खाजा खाने तथा लत्ता कपडा बितरण र खाध्य सामग्री बितरण गरेर जन्मदिन मनाउनुभएको हो ।

थापाले बिगत बर्षजस्तै जन्मदिनमा साथीभाइसङ्ग जमघट गरेर खाजापानीमा हुने खर्च कटाएर असहायहरुलाइ सहयोग गरेको बताउनुभएको छ । आफ्नो जन्मदिन सामाजिक कार्य गरेर मनाउनु भएको छ । थापाले जन्मदिनको अवसरमा अनाथ असहायसङ्ग सङै बसेर दुख सुखका कुरा सुन्दा र उनीहरु रमाउदा आफ्नो मनमा बेग्लै आनन्द आएको बताउनुभयो ।
थापाले आश्रममा बसेका महिला तथा बालबालिकाहरुलाइ खाध्य सामग्री, लत्ता कपडा र नगद सहयोग गर्नुभएको छ ।

थापाले सस्थाकी अध्यक्ष नेहा पोखरेललाइ सामग्री हस्तान्तरण गर्दै असहाय बालबालिका तथा महिलाहरुको सानो खुशीको लागि जन्मदिन मनाउन आएको बताउनुभयो । सस्थाकी अध्यक्ष पोखरेलले जन्मदिनको दिन समय दिएकोमा धन्यवाद दिनुभयो । बालबालिका तथा महिलाहरुले थापा तथा साथीहरुसङ्ग नाचगान गरी रमाइलो गर्नुभएको छ ।

आम युवाजस्तै रमाइलो गरेर हिड्ने र निजी करियर बनाउने बेला राज्यले गर्नुपर्ने काममा आफ्नो सम्पूर्ण ध्यान लगाएको देख्दा आफू प्रभावित भएर सकेको सहयोग गर्न मन भएकोले जन्मदिनमा स्नेही काखमा आएको थापाले बताउनुभयो ।
सहयोग हस्तान्तरण कार्यक्रममा उपस्थित स्नेही काखका सचिब केशब रिजालले विभिन्न ब्यक्तिको सहयोग र आफुहरुको ब्यक्तिगत पहलमा रकम जुटाएर सडकमा बेवारिसे अवस्थामा फेला परेका र जोखिममा परेका महिला तथा वालवालिकाको उद्धार गरि सरक्षण गरिएको बताउनुभयो ।