‘छ माया छपक्कै’को रिलिज डेट असोज २४ मा

साझा पाना २०७६ भदौ १९ गते ०४:३२ मा प्रकाशित

काठमाडौं – नेपाली कथानक चलचित्रचलचित्र ‘छ माया छपक्कै’को प्रदर्शन मितिसँगै पहिलो गीत सार्वजनिक गरिएको छ । चलचित्रलाई असोजको २४ गतेबाट रिलिज गर्ने जानकारी सार्वजनिक गीतमा नै दिइएको छ । यसअघि दसैं अगाडि अथवा पछाडि रिलिज गर्ने भन्नेमा अन्योल रहेको थियो । बसन्त थापा र मिना निरौलाको स्वर, बसन्त थापाको संगीत र राजेन्द्र थापाको शब्द रहेको गीतमा चलचित्रका मुख्य कलाकारहरुलाई फिचरिङ गरिएको छ ।

लोक शैलीमा रोमान्टिक तरिकाले तयार पारिएको गीतमा मुख्य कलाकारहरु दिपकराज गिरी, केदार घिमिरे, जितु नेपाल, केकी अधिकारी, वुद्दि तामाङ लगायतका कलाकारलाई फिचरिङ गरिएको छ । दीपेन्द्र लामाको निर्देशन रहेको चलचित्र ‘छ माया छपक्कै’मा दीपकराज गिरी, केकी अधिकारी, केदार घिमिरे, जितु नेपाल, सुपुष्पा भट्ट, बुद्धि तामाङ लगायत कलाकार मुख्य भूमिकामा छन् ।

क्याटेगोरी : मनोरञ्जन/साहित्य
ट्याग : #छ माया छपक्कै