सङ्गीत उत्पादक समाज नेपालको चौथो बार्षिक साधारण सभा

साझा पाना २०७६ असार २७ गते १५:१३ मा प्रकाशित

पुकार तिमलसिना

काठमाडौ ।सङ्गीत उत्पादक समाज नेपालको चौथो बार्षिक साधारण सभा काठमाडौमा सम्पन्न भएको छ ।

साधारण सभाले संस्थाको विधानमा केही महत्वपूर्ण संशोधन प्रस्तावहरु पारित गर्दे संस्थाको नाम समेत परिवर्तन गर्ने सर्बसम्मतीबाट निर्णय समेत गरेको छ ।
सङ्गीत तथा चलचित्र उत्पादक समाजको नाम बाट आगामी दिनहरुमा संस्थाका गतिविधिहरु संचालन हुनेछ ।

चलचित्र निर्माताहरु पनि यस समाजमा आवद्ध भईसकेका र चलचित्र निर्माता सङ्घको सिफारिसमा सो क्षेत्रको प्रतिनिधित्व हुनेगरी चलचित्र निर्माता छविराज ओझालाई कार्यसमिति सदस्यमा मनोनित गरिएको थियो ।

साधारण सभा समाजका अध्यक्ष निर्मलराज ढकालको सभापतित्व एवं सभासद खेम नेपालीको प्रमुख आतिथ्यमा सम्पन्न भएको हो ।

सभासद नेपाली संसदमा रोयल्टीका बारेमा आवाज उठाउने एक मात्र सामसद हुन ।

चलचित्र निर्माता सङ्घका अध्यक्ष आकाश अधिकारीले काम गर्ने सिलसिलामा सानातिना बिरोध बाधा आउनु स्वाभाविक भएको धारणा राख्दै सबै एक हुनुको विकल्प नरहेको बताए

सो समारोहमा सभासद खेम नेपालीले बौद्धिक सम्पति र रोयल्टीको बारेमा जस जसलाई कुरा बुझाउनुपर्ने हो, सो अझै पर्याप्त नभएकोले समस्या ज्युँका त्युँ रहेको धारणा राखेका थिए । सङ्गीत क्षेत्रलाई व्यवस्थित गर्ने हो भने ५० प्रतिशत बेरोजगारी समस्या हल हुने विचार समेत सभासद नेपालीले व्यक्त गरेका थिए ।

क्याटेगोरी : मनोरञ्जन/साहित्य
ट्याग : #सङ्गीत उत्पादक समाज