Techie IT
सोमबार, जेठ ३१,२०७८

मुक्तक-अनिल चापागाँ‌ई


मुक्तक १
दैबले भनौँ या त प्रकृतिले नराम्ररी छलेको छ।
रोएको छ सिङ्गो विश्व नै सबको मन जलेको छ।।
कहिलेकाहीँ सम्झिने गर्नुस यो प्राण रहुन्जेल त।
थाहा छैन कति बांचिन्छ मर्ने सिजन चलेको छ।।
मुक्तक २
सबैले सुन्ने ऐतिहासिक बात बनाएर।
सफलता नै सफलताको खात बनाएर।।
जति हेप्नु अहिले हेप प्यारा आफ्नाहरु।
एकदिन पक्कै आउँछु औकात बनाएर।।
मुक्तक ३
दिन बित्छ महिना बित्छ अनि साल आउंछ।
राम्रो कर्म गरे खुसी नत्र दुखको छाल आउंछ।।
कहिल्यै मर्दिन जस्तो घमण्ड नदेखाउ साथी।
आज नआए नि भोलि त पक्कै काल आउँछ।।

क्याटेगोरी : मनोरञ्जन/साहित्य


तपाईको कमेन्ट लेख्नुहोस्


Kathmandu
22°
Mostly Cloudy
05:0719:00 +0545